Poromosiyo yo gusura ingagi yongerewe kugeza mu Kuboza 2024

  • NYIRANEZA JUDITH
  • Mutarama 27, 2024
  • Hashize amezi 4
Image

Abakora ingendo mu Rwanda mu rwego rwo gusura ingagi bongerewe igihe cya poromosoyo kuva muri Mutarama kugeza Ukuboza uyu mwaka, bakaba bemeza ko zitanga amahirwe akomeye yo kuzamura ubucuruzi bw’ubukerarugendo.

Mu gufasha kuzamura iterambere mu Rwego rw’ubukerarugendo, Urwego rw’Igihugu rushinzwe Iterambere (RDB) ruherutse gutangaza ko hongerewe poromosiyo ku basura ingagi kugeza ku ya 31 Ukuboza, bireba ba mukerarugendo bo mu gihugu ndetse n’abo mu mahanga.

Mu rwego rwo kwagura no kumenyekanisha ibiciro byashyizwe mu bikorwa nyuma ya COVID-19, Abanyarwanda n’abo muri Afurika y’Iburasirazuba ubu bishyura amadolari y’Amerika 200, mu gihe abanyamahanga baba mu Rwanda, abandi baturage b’Abanyafurika ndetse n’abanyamahanga bo mu bihugu by’Afurika bishyura amadorari 500 yo gusura ingagi muri parike y’igihugu y’Ibirunga iherereye mu majyaruguru y’u Rwanda.

Ugereranyije na mbere igiciro cyari gisanzwe ku banyamahanga cyari amadolari y’Amerika 1 500.

Andrew Gatera washinze G-Step, isosiyete ikora ingendo, yagize ati: “kongera iyamamaza ry’ibiciro kuri poromosiyo ni byiza cyane kuko bitanga amahirwe ku bakora ubukerarugendo mu Rwanda bituma hagurishwa amatike y’ingagi kuri ba mukerarugendo benshi ndetse bigatuma ibicuruzwa bihenduka.”

Gatera yashimangiye akamaro k’ibiciro bidasanzwe mu guteza imbere amasoko yo mu karere ndetse n’imbere mu gihugu, ari Leta ndetse n’abakora ibyo binjiza bikiyongera.

RDB yavuze ko hakurikijwe amabwiriza ariho, impushya zo poromosiyo ku abenegihugu, abanyamahanga, Abanyafurika y’Iburasirazuba ndetse n’abandi baturage bo muri Afurika bagomba kuzigura mbere y’amasaha 72 mbere y’itariki y’urugendo.

Undi na we ukora mu by’ukerarugendo, Pacifique Ndayisaba, yavuze ko ibiciro byamamaza bizoroshya umurimo w’amasosiyete akora ingendo mu gukurura ba mukerarugendo, byubaka ubunararibonye mu bukerugendo ndetse bikanafasha guteza imbere ubucuruzi bwabo.

Impuguke mu bukerarugendo mu Rwanda, Louise Mukandekezi, yatangaje ko igipimo cyo korohereza abantu hashyirwaho poromosiyo cyashyizweho n’u Rwanda gishobora kuzamura ubukerarugendo bw’Afurika y’iburasirazuba, kubera ko ba mukerarugendo benshi bashobora kwifashisha viza imwe y’ubukerarugendo y’Umuryango w’Ibihugu by’Afurika y’Iburasirazuba, ari muri Kenya, Uganda no mu Rwanda bifashishije inyandiko imwe.

Umubare w’ingagi zo mu misozi wariyongereye mu myaka ishize bitewe n’imbaraga u Rwanda rushyira mu kubungabunga ibidukikije.

Ibarura rusange ryakozwe mu 2016 ryerekanye ko abantu 604 bagize uruhare mu kuzamura umubare w’ingagi zo mu misozi hirya no hino ku Isi zigera ku 1.063.

  • NYIRANEZA JUDITH
  • Mutarama 27, 2024
  • Hashize amezi 4
TANGA IGITEKEREZO
lg says:
Mutarama 28, 2024 at 7:51 am

Kuki abanyarwanda basabwa kwishyura muma Dollars kuli Services zitangirwa mu Rwanda !!

Andika igitekerezo

AMATEGEKO AGENGA IYANDIKA RY'IGITEKEREZO CYAWE