Perezida Kagame yiyunze ku bakina tennis muri Barbados (Amafoto)

Perezida wa Repubulika y’u Rwanda Paul Kagame aherekejwe na Minisitiri w’Intebe wa Barbados Mia Amor Mottley, ku wa Gatandatu yiyunze ku bari mu mukino wa tennis kuri umwe mu mihanda yo muri Barbados agaragaza ubuhanga afite muri uyu mukino.

Abakinnyi yasanze bari muri uyu mukino, uri mu yo akunda cyane, bamuhaye impano y’udukoresho tubiri twifashishwa mu kuwukina (racquets).

Perezida Kagame yerekeje muri Barbados nyuma yo gusoza uruzinduko rw’iminsi itatu yagiriye muri Jamaica, ibyo bihugu byombi bikaba biri mu Birwa bya Karayibe (Caraïbes).

Muri uru runzinduko Perezida Kagame yahuye n’abayobozi batandukanye barimo Perezida w’icyo Gihugu Sandra Mason nyuma anagirana ibiganiro na Minisitiri w’Intebe Mia Amor Mottley.

Nyuma yanaganiriye n’itangazamakakuru agaragaza inyungu zikomeye zitezwe mu bufatanye bw’ibihugu by’Afurika na Karayibe.

Perezida Kagame na Madamu Mottley banateye ibiti mu Busitani bwitwa “Barbados National Botanical Gardens” bwaciye agahigo ko kuba bugizwe n’ibiti byatewe n’abayobozi batandukanye ku Isi