Paris: Mushikiwabo yashimiye abarimo Massamba Intore bamutaramiye 

Paris: Mushikiwabo yashimiye abarimo Massamba Intore bamutaramiye 

Mu gihe Louise Mushikiwabo yitegura kwerekeza i Phnom Penh mu Murwa Mukuru wa Cambodge, mu matora ategerejwe ku wa 16 Ugushyingo 2026 nk’umukandida w’u Rwanda ku mwanya w’Umunyamabanga Mukuru w’Umuryango w’Ibihugu bikoresha Ururimi rw’Igifaransa (OIF), yashimiye Abanyarwanda bahuriye i Paris mu Bufaransa bakamutaramira, agaragaza ko bamwongereye umunezero na morale. 

Ni igitaramo Madamu Louise Mushikiwabo yataramiwemo na Massamba Intore, Lionel Sentore na Daniel Ngarukiye nyuma yo kumutaramira avuga ko icyo gitaramo cyamuhaye ibyishimo n’imbaraga mbere yo kwerekeza muri Cambodia.

Mu butumwa yanyijije ku rubuga rwe rwa X, Mushikiwabo yagaragaje inshuti ze zo ku mbuga nkoranyambaga akunda kwita (Abachou) abibutsa ko nubwo amaze iminsi ahugiye mu kazi, akomeza kubazirikana.

Yanditse ati: “Ni ko se Abachou, urukumbuzi ko rumbanye rwinshi turabigenza dute? Duherukana kera pee! Mu gihumbi kimwe maganacyenda… (muri mille neuf cent ) hashize igihe kirekire (longtemps). Rero maze iminsi muri byinshi mu kazi ariko ntibimbuza kubateraho agatima.”

Akomeza ababarira inkuru y’uko yatumiwe  n’Abanyarwanda baba i Paris bakamutaramira akizihirwa ashimira abamutumiye n’abahanzi bataramiye abitabiriye icyo gitaramo.

Yashimiye Massamba Intore, Lionel Sentore na Daniel Ngarukiye nyuma yo kumutaramira, agira ati: “Ndabashimiye mbikuye ku mutima. Igitaramo cyari kizihijwe na Massamba Intore, n’abahungu be tubana hano i Burayi, Lionel na Daniel, na bo bazi gutarama bitarabaho!”

Mushikiwabo yagaragaje inshuti ze zo ku mbuga nkoranyambaga akunda kwita (Abachou) abibutsa ko nubwo amaze iminsi ahugiye mu kazi, akomeza kubazirikana. Asoza ubutumwa bwe ashimira abamutumiye ndetse n’abamutaramiye mu gika yabwiraga abamukurikira ko ari ukubasangiza umunezero yagize.

Ati: “Reka mbasogongeze ku munezero twagiranye n’Abanyarwanda baba i Paris ku Cyumweru. Bana beza b’i Paris, murashimishije cyane! Namwe bahanzi bacu, Imana y’u Rwanda ikomeze kubarinda! Dutahe amahoro rero mwese.”

Louise Mushikiwabo yiteguye guhatanira manda ya gatatu y’Umunyamabanga Mukuru w’Umuryango OIF,  akaba ari umukandida ufitiwe icyizere kiri hejuru cyane bitewe n’impinduka n’amavugurura akomeje kugaragaza muri uwo Muryango. Muri ayo mavugurura ashimirwa ko yagezeho harimo ajyanye n’imiyoborere, imicungire y’imari n’ibikorwa byo guteza imbere urubyiruko n’abagore.

Louise Mushikiwabo yishimiye gutaramirwa n’Abanyarwanda i Paris mu Bufaransa
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Musanze: Bifashishije ibimene by’amacupa bakora amakaro biteza imbere 21 Ugushyingo 2026 Saa 18:26
  2. Abiga mu Ishuri Rikuru rya Gisirikare basuye Akarere ka Nyagatare 21 Ugushyingo 2026 Saa 18:15
  3. Vanessa yasobanuye impamvu yatumiye Mariya Yohana muri Women Getaway 21 Ugushyingo 2026 Saa 17:41
  4. Mushimiyimana Pascal wari umukinnyi wa Special Olympics yapfiriye mu irushanwa 21 Ugushyingo 2026 Saa 15:55
  5. Nyagatare: Abiga mu mashuri yisumbuye biyemeje guca ukubiri n’ibiyobyabwenge 21 Ugushyingo 2026 Saa 15:47