Papa Léon XIV agiye kujyanwa mu bitaro

Ibiro by’Umushumba wa Kiliziya Gatolika ku Isi, Papa Leo XIV byatangaje ko ku wa Kabiri, tariki ya 13 Ukwakira 2026, azajyanwa mu bitaro by’i Roma aho azabagwa ikibyimba ku bihaha.

Ku Cyumweru uyu mushumba wa Kiliziya Gatolika w’imyaka 71 yatangaje ko ubwo buvuzi buteganyijwe vuba, anashimira abakirisitu ku bwo kumuzirikana mu masengesho.

Leta ya Vatican yatangaje kandi ko byitezwe ko azamara hafi icyumweru aruhuka kugira ngo agarure ubuzima nyuma yo kubagwa.

Umuryango w’Abanyamerika wita ku buzima bw’ubuhumekero wagaragaje ko ibibyimba nk’ibyo biri munsi ya 5% ari byo biba kanseri. Ibyago byiyongera bitewe n’imyaka, ingano yabyo n’ibindi birimo nko kunywa itabi.