Padiri Kayisabe yagizwe Umunyamabanga Mukuru wa CEPR

  • KAYITARE JEAN PAUL
  • Mutarama 10, 2024
  • Hashize amezi 5
Image

Inama y’Abepiskopi Gatolika mu Rwanda (CEPR) yagize Padiri Vedaste Kayisabe Umunyamabanga Mukuru w’iyo Nama.

Ni ubutumwa bwashyizwe ku rubuga rwa X rukoreshwa n’Inama y’Abepiskopi Gatolika mu Rwanda.

Padiri Kayisabe yari asanzwe ari umuyobozi wa Seminari Nkuru Ya Kabgayi mu Karere ka Muhanga.

Inama y’Abepiskopi Gatolika mu Rwanda yakomeje yifuriza ubutumwa bwiza Padiri Kayisabe.

Padiri Kayisabe amaze imyaka 16 ari umurezi mu Isemenari Nkuru ya Kabgayi, isaga 12 ayimaze ari umuyobozi wayo akaba n’umuhanga muri Filozofiya.

Padiri Vedaste Kayisabe ni muntu ki?

Padiri Vedaste Kayisabe yavukiye muri paruwasi ya Mukarange, Diyosezi ya Kibungo, ku wa 11 Werurwe 1970.

Asoje amashuri abanza, yakomereje mu Iseminari nto ya Zaza yaragijwe Mutagatifu Kizito, yiga imyaka ibiri mu Iseminari Nkuru ya Rutongo (1991-1992).

Yigiye Filozofiya mu Iseminari Nkuru ya Kabgayi (1992-1994), naho Tewolojiya ayigira mu Iseminari Nkuru ya Nyakibanda (1994-1998).

Yahawe Isakaramentu ry’Ubusaseridoti ku wa 26 Nyakanga 1998.

Inshamake y’ubutumwa yahawe

1998 – 1999: Yabaye Padiri wungirije muri paruwasi ya Rukira.

1999 – 2002: Yabaye umuyobozi ushinzwe imyitwarire mu Iseminari Nto ya Zaza, hanyuma ayibera umuyobozi.

2002 – 2004: Yagiye kwiga Filozofiya i Roma (The Pontifical Urban University)

Avuye i Roma, yabaye umurezi wigisha Filozofiya mu Iseminari Nkuru ya Kabgayi.

Nyuma y’imyaka itatu yasubiye i Roma kwiga Filozofiya, ahavana impamyabumenyi ihanitse (Doctorate in Philosophy, the Pontifical Urban University).

2010 – 2011: Yabaye umuyobozi ushinzwe amasomo mu Iseminari Nkuru ya Kabgayi, anigisha isomo rya Filozofiya.

16 Werurwe 2012: Inama y’Abaminisitiri yateraniye muri Village Urugwiro, yamuhaye inshingano zo kuba umwe mu bagize Inteko nyarwanda y’umuco, hamwe na Sr Therese Mukabacondo, wagizwe Visi Perezida ushinzwe Umuco.

2011 kugeza ahawe izindi nshingano, Padiri Kayisabe yari umuyobozi wa Seminari Nkuru ya Kabgayi, inshingano yatorewe na Arikiyepiskopi Fernando Filoni, wari umuyobozi w’urwego rwa Kiliziya rushinzwe iyogezabutumwa (Prefect of the Congregation for the Evangelization of Peoples). 

  • KAYITARE JEAN PAUL
  • Mutarama 10, 2024
  • Hashize amezi 5
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE