Nyaruguru: Uruganda rw’icyayi rwa Nshili-Kivu rwifuza kongererwa hegitari 1000  

  • AKIMANA JEAN DE DIEU
  • Ukuboza 15, 2023
  • Hashize amezi 2
Image

Ubuyobozi bw’uruganda rw’icyayi rwa Nshili – Kivu (Nshili Tea Factory) buravuga ko buhangayikishijwe no kuba urwo ruganda rudakoresha ubushobozi bwarwp bwose bitewe n’uko imirima bahingaho icyayi n’umusaruro uvamo bidahagije.

Bityo urwo ruganda rwifuza kubona nibura hegitari 1000 z’ubutaka bushya buhingwaho icyayi, bakava ku bushobozi bwa 50% bakagera ku 100%

Bizera ko baramutse babonye ubwo butaka byabafasha kongera umusaruro bohereza ku isoko mpuzamahanga, bityo bakagasaba inzego bareba kubafgasha ubwo butaka bukaboneka.

Ubuyobozi bw’uru ruganda uavuga ko rwubatswe rugomba gutunganya toni 80 ku munsi ariko kugeza ubu rutunganya toni 58.

Duncan Page, Umuyobozi w’Inama y’Ubutegetsi y’Uruganda rwa Nshili-Kivu Tea Factory, avuga ko iki kibazo cyahawe Inzego bireba kugira ngo bahabwe ubutaka buhagije nibura hegitari 1000 zafasha gutuma rukora ku kigero rwubakwanwe.

Yagize ati: “Ni byo iki kibazo dufite cyo kudakoresha uruganda uko rwakagombye gukora bituma umusaruro gwakagombye kujya ku isoko utaboneka ariko duhawe ubutaka bungana na hegitari 1000, twabasha kubona umusaruro watuma uruganda rubona ingano y’icyayi rwubakwa rwari ruteganyijwe gukora”.

Akomeza avuga ko kugeza ubu uru ruganda ruhinga icyayi ku buso bwa hegitari 678, rugakorana na Koperative KOTHENK ihuza abahinzi b’icyayi bakorera kuri hegitari 711, zose zingana na Hegitari 1389.

Umusaruro uva kuri ubwo buso ngo ntuhagije ku buryo hari  ibikoresho bikora gake bakaba bafite impungenge z’uko byakwangirika.

Abahinzi na bo bavuga ko ibyo urwo ruganda ruvuga bahamanya na byo cyane ko na bp bakeneye kongera ubuso bakoreraho ubuhinzi.

Umuhinzi w’Icyayi witwa Rwakibibi Simon yabwiye Imvaho Nshya ko afite hegitari 3.7 akoreraho ubuhinzi bw’icyayi ariko ahawe izindi hegitari 5 na zo yazihinga kuko yabonye ko adashobora guhomba.

Yagize ati: “Ndi umuhinzi w’icyayi watangira ye n’uru ruganda ariko mfite hegitari 3.7 ariko mbonye izindi hegitari 5 na zo nazihinga kuko umusaruro mbona nifuza kuwuzamura kandi uru ruganda ntabwo rubona icyayi rukeneye cyo gutunganya.”

Mukankusi Albertine avuga ko kuba uruganda rutabasha kubona icyayi cyinshi bituma ku isoko hatajyayo umusaruro mwinshi, amafaranga aboneka ntabafashe kwiteza imbere uko bikwiye.

Yagize ati: “Ni byo ubuyobozi bwatugaragarije ko icyayi turugemurira kidatuma rukora neza, kandi tubonye icyayi kinshi byatuma n’amafaranga tubona yiyongera kandi abakozi barushaho kuba benshi kurushaho abadafite akazi bakakabona.”

Umuyobozi wa Koperative KOTHENK ihinga icyayi Habineza Fidele, avuga ko afite banyamuryango 2,560 bafite ubuso bwa hegitari 711 ariko ngo na bo bifuza kubona ubuso bugari bwatuma buri wese ufite ubushake agira uruhare mu kongera umusaruro.

Kugeza ubu uru ruganda ruvuga ko rukoresha abakozi basaga ibihumbi bibiri (2000) harimo abakozi bafite amasezerano y’Akazi n’abandi bakora bubyizi.

Uru ruganda kandi ruramutse rwongerewe ubuso rwabasha kugira Hegitari 1389 havuyemo Hegitari 711 zihibgwa na Koperative KOTHENK bivuze ko uruganda rwongereweho hegitari 1000 rwahita rwugira hegitari 1678 isabwa kugira ngo rukora rubashe gukora ku kigero 100% rwubatse rugomba gutunganya.

  • AKIMANA JEAN DE DIEU
  • Ukuboza 15, 2023
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE