Ntawahitamo icyerekezo cy’u Rwanda usibye Abanyarwanda- Perezida Kagame

  • ZIGAMA THEONESTE
  • Mutarama 14, 2024
  • Hashize amezi 4
Image

Perezida wa Repubulika Paul Kagame yagaragaje ko mu gihe hari ukeneye kugira neza u Rwanda akwiye kubanza kubakira ku byifuzo by’Abanyarwanda ndetse agahamya ko nta muntu ku Isi ushobora guhitaramo u Rwanda uko rubaho uretse bo ubwabo.

Ni ubutumwa Umukuru w’Igihugu yatanze ubwo yageza ijambo ku bitabiriye amasengesho yo gushima Imana no gusabira Igihugu, kuri iki Cyumweru tariki ya 14 Mutarama 2024.

Ni amasengesho yo gushima Imana ibyo yafashije iguhugu harimo no gusenga baragiza Imana umwaka wa 2024.

Perezida Kagame yagarageje ukurikije ukuntu u Rwanda rwikuye mu bibazo mu myaka 30 ishize, bikwiye ko nta muntu aho yaba aturutse hose ku Isi waza ngo arugenere uko rukwiye kubaho.

Yagize ati: “Nta muntu n’umwe uwo ari we wese ku Isi ushobora kuba ari we uhitamo aho avana u Rwanda, uko arutwara n’aho arugeza. Nta n’umwe, usibye Abanyarwanda ubwabo.”

Perezida Kagame kandi yagaragaje ko muri iki gihe ku Isi mu rwego rwa Politiki Mpuzamahanga ,hari ibice bibiri birimo ibyo mu majyepfo y’Isi (Glabal South) n’amajyaruguru y’Isi (Global North).

Avuga ko muri ibyo bice usanga igice cyo mu majyepfo n’u Rwanda rurimo harimo ibihugu bikennye, mu gihe icyo mu majyaruguru cyo gikize kandi mu by’ukuri igikennye ari cyo gifite umutungo kamere.

Ati: “Imana yakoze ibyayo,ibyo yaduhaye tubipfusha ubusa ,kwemera twakumvishe nabi ,kumva ko twemera ibyo dutunze bikaba bituri imbere ,tukumva ko ibyo dutunze ubwacu nta n’icyo dukoze bidutunga cyangwa bikaduteza imbere.Global North yaraje itwara n’ibyo Global Sourth yari itunze ,ndetse n’ibyo idusigiye iraza ibidutegekamo ,ndetse yarangiza ikadutegeka uko tugomba kubaho tukabyemera”.

Perezida Kagame yagaragaje buri muntu akwiye kwihatira kubaho uko ashaka ibyo atemera akabyanga .

Ati: “Nta muntu waza ngo ambwire uko iki gihugu kigomba kubaho, aho waba uturuka hose, ariko niba ufite ibitekerezo byiza ari byo bishingiye ku byanjye nagutega amatwi, dushobora kuganira, ariko ntabwo nakwemera umuntu ngo anshyireho igitugu ku byo atekereza kandi mfite uburenganzira ku kurwanya uko kwikuza, ntabwo nshobora ku byemera.”

Ku bwa Perezida Kagame, ukwemera ni igisobanuro cy’uko abantu bafite ibitekerezo bitandukanye ariko nanone bishobora gutuma baterana imbaraga.

Amasengesho yo gusengera Igihugu aba buri mwaka akitabirwa n’abayobozi mu nzego zitandukanye yaba iza Leta iz’amadini n’amatorero bo mu Rwanda no hanze yarwo.

  • ZIGAMA THEONESTE
  • Mutarama 14, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE