Nimubona Thierry wabaye umutoza wungirije wa Mukura VS yitabye Imana

Umurundi Nimubona Thierry wabaye umutoza wungirije wa Mukura Victory Sports mu mwaka w’imikino wa 2025/2026, yitabye Imana azize uburwayi.

Inkuru y’urupfu rwe yatangajwe mu gitondo cyo kuri uyu wa Kabiri, tariki ya 8 Nzeri 2026 n’Umuyobozi ushinzwe ibikorwa muri Mukura VS, Musoni Protais.

Yagize ati: “Twakiriye amakuru ababaje mu gitondo aturutse ku muryango we. Turi kureba uko twakwifatanya n’umuryango we muri ibi bihe bigoye.”

Nyakwigendera yari umwungiriza wa Nshimiyimana Canisius watoje iyi kipe mu mwaka w’imikino wa 2025/26.

Uyu mugabo yamenyekanye cyane atoza amakipe arimo Buja City, Delta star, Olympic Star, Flambeau de l’Est yo mu Ruyigi na Vital’O zo mu Burundi.