Ngororero: Abafite inzu z’ubucuruzi bashimishijwe no kuvugurura umujyi

  • Imvaho Nshya
  • Ugushyingo 15, 2023
  • Hashize amezi 7
Image

Bamwe mu bafite inzu z’ubucuruzi mu mujyi wa Ngororero, mu Kagali ka Rususa, mu Mudugudu wa Kabagali bavuga ko bashimishijwe nuko barimo kugira uruhare rwo kwivugururira umujyi ukajyana n’icyerekezo cy’uko igishushanyombonera kibitegeka.

Ntirushwa Jean avuga ko bashimishijwe no kugira uruhare mu bikorwa byo guhindura isura y’umujyi wabo kuko hari inzu zari zimaze gusaza bityo rero biteguye kuvugurura batangiye no kubikora kuko gukorera heza biba byiza.

Yagize ati: “Biradushimishije cyane kuko turimo kugira uruhare mu bikorwa byonguhindura amazu dukoreramo agomba kugira uruhare mu guhindura kuko benshi twakoreraga mu mazu ashaje kandi natwe dushishikariye gukorera ahantu heza natwe biradushimisha gukorera aheza hacyeye”.

Mukayandwi Pascasie avuga ko bahawe igihe gihagaije cyo kwitegura kuvugurura kuko guhera mu kwezi kwa Kamena 2023 twari tubizi kandi baranatworohereje kuko n’abatarabona amafaranga yo kuvugurura bongerewe igihe kugirango nabo bagire uruhare mu guhindura isura y’umujyi.

Ati: “Nta rwitwazo dufite kuko twahawe igihe cyo kwitegura ibikorwa byo kuvugurura umujyi kuko kuva muri Kamena 2023 twari tubizi ko tuzavugurura kandi abatarabonz amafararanga banahawe igihe cyo gushakisha ubushobozi kugira go nabo babikore hagamijwe guhinduraumujyi wacu”.

Nizeyimana Prosper avuga ko hari batarabona ubushobozi bakomeje gushaka abandi bafatanya kugira ngo babashe kuvugurura inzu zabo gusa dushimira uko ubuyobozi budufasha kubona ibyangombwa byo kuvugurura byarorohejwe.

Ati: “Ni byo hari bagenzi bacu batarabona ubushobozi ariko bakomeje no gushaka abo bafatanya kuvugurura amazu yabo ariko tugashimira ubuyobozi bw’akarere budufasha kubona ibyangombwa kugirango tubashe kuvugurura nta nkomyi yatubuza”.

Umwe mu bafite inzu z’ubucuruzi utashatse ko amazina ye tuyatangaza yabwiye Imvaho Nshya ko we atarabona ubuhobozi ariko agiye kwifatanya  na bagenzi be bafite amafaranga kugirango atazasigara inyuma agatuma umujyi utagaragara nabi bibaturutseho.

Yagize ati: “Ntabwo ndabona ubushobozi ariko ndacyashaka abo twakwifatanya kugirango ntazasigara inyuma kuko amafaranga nsabwa ntabwo nahita nyabona kandi ntabikoze naba ndimo gutuma isura yumujyi itagaragara neza ariyo mpamvu ngomb akubikora amazu yanjye yose agasa neza nk’ayandi”.

Umunyamabanga Nshingwabikorwa w’umurenge wa Ngororero,Mugisha Daniel avuga ko aba bashoramari bari bafite amazu ashaje kandi babanje kuganirizwa banahabwa igihe cyo kuba bamaze kuvugurura amazu yabo ndetse bamwe babyakirana yombi naho abandi batanga impamvu zuko bagiye gushaka ubushobozi bwo gukoresha.

Ati: “Ni byo mwabonye ko abafite inzu z’ubucuruzi kuri santeri ya Rususa kandi twabyemeranyijeho ndetse bahabwa igihe cyo gusaba ibyangombwa haba harimo abazahindura imiterere y’inzu zabo bakabisaba ku busabe bwabo bakabyemererwa”.

Ariko hari n’abandi bagaragaje ko batarabona amafaranga ariko batubwira ko bagiye gushaka u ushobozi muri banki harimo n,’abandi bafite amazu menshi batashobora batubwiy3 ko barimo gushaka abo batanya kandi hari abafite amazu barimo gufatanya n’abayakodesha kugirango aya mazu nayo ajyane n’igihe.

Akomeza avuga ko ibi byakozwe kigira ngo inzu zubatswe kera zivugururwe zibashe kugaragaza umujyi neza ukajyana n’igishushanyombonera giteganyijwe muri iki gice kirimo inzu z’ubucuruzi.

Izo nzu zirimo kuvugururwa zirashyirwaho amakaro y’umweru hadahinduwe imiterere yazo kandi habarurwa inzu zigera kuri 200 zigomba gushyirwaho amakaro asa kugira ngo byose bijyane n’igiteganywa n’igishushanyombonera.

AKIMANA JEAN DE DIEU

  • Imvaho Nshya
  • Ugushyingo 15, 2023
  • Hashize amezi 7
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE