Ikigo cy’Igihugu Gishinzwe Imikurire no Kurengera Umwana (NCDA), cyakebuye abagabo kibasaba ko bagomba gufata abagore babo neza kugira ngo bashobore konsa ariko bakanabarinda guhangayika.
Byagarutsweho na Munyemana Gilbert, Umuyobozi Mukuru Wungirije muri NCDA.
Yagize ati: “Abagabo tugomba gufasha abagore bacu bakamererwa neza, cyane cyane mu gihe bonsa, tukabarinda guhangayika kuko bibafasha kugira amashereka ahagije umwana”.
Yakomoje ku kamaro ko konsa umwana mu gihe umubyeyi umwonsa nta muhangayiko afite.
Ati: “Iyo umwana yonse neza bimufasha gukura neza mu gihagararo, mu mbamutima no mu bwenge bikamufasha gutsinda neza mu mashuri”.
Ku rundi ruhande agaragaza ko umwana watsinze neza na we atera ishema ababyeyi be.
Minisitiri w’Uburinganire n’Iterambere ry’Umuryango Dr Uwamariya Valentine, aherutse gutangaza ko umwana ukivuka agomba konka bityo bikamurinda kurwaragurika, kugira imirire mibi no kugwingira.
KAYITARE JEAN PAUL
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE