Abofisiye mu ngabo z’u Rwanda (RDF) bari mu basaga 70 baturutse mu bihugu bitandukanye bitabiriye amasomo agenewe ba Ofisiye ategurwa n’Umuryango w’Afurika Yunze Ubumwe (AU) akaba arimo kubera mu Ishuri ryigisha gushyigikira ibikorwa by’ubutabazi n’amahoro (HPSS) i Nairobi muri Kenya.
Uretse abaturutse muri RDF, ayo masomo yitabiriwe n’abofisiye baturutse mu bihugu birimo Angola, Botswana, Djibouti, Kenya, Malawi, Mozambique, Tanzania, Uganda na Leta Zunze Ubumwe z’Amerika (USA).
Biteganyijwe ko ayo masomo azasozwa no gukora imyitozo ya gisirikare yiswe “Justified Accord 2022”. Ni imyitozo ya gisirikare igenewe abayobozi b’ubuyobozi bw’ingabo (CPX) ndetse n’imyitozo yimbitse ikorerwa ku kibuga (FTX), yose ikaba yitezwe kuba mu cyumweru gitaha muri Kenya.
Justified Accord ni imyitozo ya gisirikare ikorwa buri mwaka ku bufatanye n’Ingabo za Leta Zunze Ubumwe z’Amerika n’ibindi bihugu by’abafatanyabikorwa mu kubaka ubushobozi bw’ingabo z’Afurika no kubategurira kuba abafatanyabikorwa beza b’Umuryango w’Abibumbye na AU mu butumwa bwo kubugabunga amahoro mu bihugu bitandukanye.
Brig. Benedict Mzee, ukuriye ishami ry’Ingabo za Kenya rishinzwe amahame n’amahugurwa, yashimangiye ko ari iby’agaciro kuba amasomo azasozwa no gukora imyitozo ya gisirikare y’uyu mwaka wa 2022.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE