Miss Jolly Mutesi wabaye Nyampinga w’u Rwanda mu 2016, ni umwe mu bakurikiye umukino w’ijonjora rya gatatu rya FA Cup Arsenal yasezerewemo na Manchester United (Man-U) y’abakinnyi 10, iyitsinze penaliti 5-3 nyuma yaho amakipe yombi anganyije igitego 1-1 mu minota 120 y’umukino.
Uyu mukino wabaye ku mugoroba wo kuri iki Cyumweru tariki 12 Mutarama 2025, kuri Emirates Stadium iherereye i Londres mu Bwongereza.
Muri uyu mukino, Manchester United ni yo yatangiye neza Kapiteni Bruno Fernandez ku munota 52 ku mupira yahawe na Alejandro Garnacho.
Ku munota wa 61’ Diego Dalit wa Manchester United yahawe ikarita ya kabiri y’umuhondo ibyara itukura.
Nyuma y’iminota ibiri gusa ku munota wa 63’ Arsenal yishyuye igitego gitsinzwe na Myugariro Gabriel Magalhes.
Iminota 90 y’umukino yarangiye amakipe yombi anganyije igitego 1-1 hongerwa iminota 30 y’inyongera na yo irangira nta gihindutse hitabazwa penaliti.
Manchester United yatsinze Penaliti 5 Arsenal itsinda 3 bituma y’ikipe y’umutoza Ruben Amorin ikomeza mu ijonjora rya Kane aho izahura na Leicester City.
Arsenal FC ni imwe mu makipe afitanye imikoranire na Leta y’u Rwanda binyuze muri Gahunda ya ‘Visit Rwanda’, aho iyi kipe yamamaza ubukerarugendo bwarwo.
Uko andi amakipe azahura mu ijonjora rya Kane rya FA Cup:
Brighton vs Chelsea
Everton VS Bournemouth
Aston Villa VS Tottenham
Plymouth vs Liverpool
İyi mikino iteganyijwe tariki 8-9 Gashyantare 2025.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE