Munezero Valentine yatandukanye na Sfaxien nyuma y’ibyumweru bibiri

Munezero Valentine wari umaze ibyumweru bibiri yerekeje muri Sfaxien yo mu cyikiro cya Mbere muri Tuniziya avuye muri APR WVC, yatandukanye n’iyi kipe.

Amakuru agera ku Imvaho Nshya avuga ko uyu mukinnyi agarutse mu Rwanda nyuma yo kudahabwa ibyo yemerewe n’iyi kipe nk’uko amasezerano yabiteganyaga.

Taliki 5 Ukwakira 2023 ni bwo Munezero yerekeje muri Tunisie mu ikipe ya Sfaxien yo mu Cyikiro cya Mbere muri Tunisie nyuma yo kwitwara neza mu Gikombe cya Afurika cy’abagore cyabereye muri Cameroun muri Kanama uyu mwaka.

Muri iri rushanwa, Munezero usanzwe ari na Kapiteni w’Ikipe y’Igihugu ya Volleyball y’abagore yabaye umukinnyi mwiza mu gukora serivisi (Best Server) anaboneka mu bakinnyi beza baryo.

Biteganyijwe ko Munezero Valentine azakomeza gukinira APR WVC ndetse ashobora kuzifashishwa mu mpera z’icyumweru ubwo shampiyona izaba isubukuwe aho abagore bazakinira i Huye.

IVAN SHEMA