Muhanga: Urujijo ku hagomba gupfundikirwa ku miferege y’imihanda

  • AKIMANA JEAN DE DIEU
  • Mutarama 20, 2024
  • Hashize ukwezi 1
Image

Bamwe mu bakorera mu mujyi wa Muhanga baravuga ko gupfundikira imiferege (rigole) birimo urujijo mu gihehari abategereje guhabwa uburenganzira n’ababakuriye bikiyongeraho kuba hari n’ahari mu nshingano z’Akarere ubwako katarapfundikira.

Umwe mu bahakorera utarashatse ko izina rye rigaragazwa yatangarije Imvaho Nshya ko aho basabwe gupfundikira no gukora hari mu nshingano za Leta kuko ari ubutaka buri mu mbago za Leta.

Ati: “Twasabwe gupfundikira ariko twebwe biratubabaza kuko hagombye gukorwa n’ubuyobozi kuko hari mu mbago z’ubutaka buba bwarasigaye ari mu mbago z’umuhanda kandi habarwa kuri Leta kuko nta kintu wahakorera”.

Umwe mu bayobozi b’ibigo bikorera mu mujyi wa Muhanga bavuga ko badafite ubushobozi bwo kuhakora batabyemerewe n’inzego nkuru zibakuriye bityo bagitegereje umwanzuro.

Ati: “Ntabwo ari twebwe dufata umwanzuro wo kuhakora kuko dufite urwego rudukuriye ariko dutegereje ko batwemerera ko twahakora natwe ntwabwo twatandukana n’abandi kuko tugomba kubahiriza amabwiriza”.

Hamwe mu hadapfundikiye kandi hari mu mbago z’Akarere ni ukuva ku Karere ukagera Splendide, imbere yo kuri Burigade ukagera ku Rukiko Rwisumbyuye rwa Muhanga, kuva ku iposita kugera kuri RBA, ahazwi nko kuri Route Kibuye, no munsi ya gare ku muhanda Kigali- Huye, kuva aho RCA ikorera kugera kuri Station ENGEN.

Abahapfundikiye bavuga ko binafasha ababagana baje kubahahira kubona uko babageraho, ariko bagaya abacuruzi batarabasha gukora imbere yaho bakorera bakabasaba kwikubita agashyi.

Umuyobozi w’Akarere ka Muhanga wungirije Ushinzwe Iterambere ry’Ubukungu Bizimana Eric avuga ko bashimira abakoze ibyo basabwe bagakora imbere yaho bakorera kandi koko byahinduye imikorere n’imiterere yaho kandi abashimira ubufatanye bagirana.

Ati: “Ni byo twabasabye ko bapfundikira ndetse bagakora n’imbere yaho bakorera ariko byanahinduye isura y’umujyi kandi dushima ubufatanye bwabo bakomeza kugaragaza”.

Akomeza avuga ko hari abatarakora bavuga ko batarabasha kubona amafaranga yo kuhubaka ariko bagiye kongera kuganirizwa kugira ngo na bo babashe kuhakora birusheho kugenda neza kandi mu bigaragara hari icyahindutse ku mujyi.

Yongeraho ko buri gikorwa cyose gikozwe kigira amabwiriza ariko iyo bitanakozwe harebwa ibitubahirijwe n’ibihano biteganyijwe.

Gusa iyo ugenda mu mujyi ubona ahenshi hatarapfundikirwa ahenshi bashyirwa mu maboko ya Leta atiko hari n’abandi bavuga ko abatarabikora na bo ba

  • AKIMANA JEAN DE DIEU
  • Mutarama 20, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE