Misiri: Perezida Sisi yongeye gutorerwa kuyobora igihugu

  • ZIGAMA THEONESTE
  • Ukuboza 19, 2023
  • Hashize amezi 2

Komisiyo y’Amatora mu Misiri yatangaje ko Perezida Abdel Fattah El-Sisi yongeye gutorerwa kuyobora Misiri atsinze amatora y’Umukuru w’Igihugu mu Misiri ku majwi 89,6%.

Perezida Sisi yongeye gutorerwa kuyobora manda ya gatatu nyuma y’ibyatangajwe mu ibarura ry’amajwi y’amatora yabaye tariki ya 10 na 12 Ukuboza 2023 nk’uko byatangajwe na Komisiyo y’Amatora kuri uyu wa Mbere.

Abdel Fattah El-Sisi yabaye umusirikare mu gihugu cya Misiri yagiye ku butegetsi mu 2014 yongera gutorwa mu 2018 yaje n’amajwi 97%.

Mu 2019 ni bwo habaye guhindura Itegeko Nshinga ry’iki gihugu rya Misiri aho manda y’Umukuru w’Igihugu yavuye ku myaka ine igera ku myaka itandatu.

Ibi byatumye Al Fattah yongera guhabwa uburenganzira bwo kwiyamamaza muri manda ya gatatu.

Al Fattah yatowe n’abantu miliyoni 39 z’Abanyamisiri akaba akomeje kuba umwe mu bantu bakunzwe cyane muri ibi bihugu by’Abarabu mu myaka ishize.

  • ZIGAMA THEONESTE
  • Ukuboza 19, 2023
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE