Miliyoni 20 Frw zizakoreshwa mu irushwana ry’Intwari 2024

  • SHEMA IVAN
  • Mutarama 26, 2024
  • Hashize ukwezi 1
Image

Ishyirahamwe ry’umupira w’amaguru mu Rwanda FERWAFA ryagaragaje ibihembo bizahabwa amakipe meza mu irushanwa rijyana no kwizihiza Umunsi w’Intwari wa 2024 birenga miliyoni 20 z’amafanga y’u Rwanda.

Ibi bigaragara mu ibaruwa FERWAFA yandikiye amakipe azitabira Irushanwa ry’Intwari, ku wa Kane tariki 25 Mutarama 2024, iyamenyesha ibikubiye mu bihembo bizatangwa ku bazitwara neza.

Amakipe azitabira iyi mikino yose mu bagabo azahabwa  amafaranga y’u Rwanda miliyoni 1 yo kwitegura neza imikino ya 1/2. Amakipe abiri azagera ku mukino wa nyuma azahabwa miliyoni 1 Frw yo kwitegura uwo mukino.

Iri rushanwa ry’Ubutwari ryateguwe n’Urwego rw’Igihugu rushinzwe Intwari z’Igihugu Impeta n’Imidali by’Ishimwe (CHENO) n’ishyirahamwe ry’umukino w’amaguru mu Rwanda (FERWAFA).

Insanganyamatsiko y’Umunsi w’Intwari 2024 iragira iti ” Ubutwari mu Banyarwanda, agaciro kacu”.

ikipe izatwara iri rushanwa mu bagabo izahabwa miliyoni 6 Frw, iya kabiri ihabwe 3 Frw mu gihe mu bagore iya mbere izahabwa miliyoni 4 Frw naho iya Kabiri ihabwe miliyoni 2 Frw.

Ikipe ya Musanze FC mu Ntara y’Amajyaruguru yagenewe ibihumbi 600 Frw yo kwitegura urugendo kuko imikino yose izabera i Kigali.

Mu bagore amakipe azakina umukino wa nyuma yahawe ibihumbi 200 Frw yo kwitegura neza. Iyi mikino mu bagabo izitabirwa n’amakipe ane ya mbere ku rutonde rwa shampiyona mu mikino ibanza ariyo APR FC, Rayon sports, Musanze FC na Police FC mu bagore hazakinwa umukino umwe uzahuza Rayon sports WFC na As Kigali WFC.

Uko amakipe azahura muri 1/2 ku Cyumweru tariki 28 Mutarama 2024

APR FC izakina na Musanze FC saa cyenda kuri Kigali Pele Stadium

Rayon sports izakina na Police FC saa kumi n’ebyiri kuri Kigali Pele Stadium.

Umukino wa nyuma uzakinwa tariki 1 Gashyantare 2024, saa kumi n’ebyiri kuri Kigali Pele Stadium mbere yaho hazaba umukino wa nyuma mu bagore uzahuza Rayon sports WFC na As Kigali WFC saa cyenda z’amanywa.

APR FC ni yo yegukanye igikombe cy’Intwari giheruka muri 2020 n’amanota atandatu nyuma yo kunganya ubusa ku busa na Kiyovu Sports.

  • SHEMA IVAN
  • Mutarama 26, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE