Miliyari zisaga 2 z’abagore ku Isi ntibahabwa amahirwe angana n’ay’abagabo mu by’ubukungu

  • KAMALIZA AGNES
  • Werurwe 8, 2024
  • Hashize ukwezi 1
Image

Raporo ya Banki y’Isi iheruka yo mu 2022 ivuga ku ruhare rw’abagore mu by’ubukungu ku Isi igaragaza ko abagera kuri miliyari 2,4 bafite imyaka yo gukora badahabwa amahirwe angana mu bukungu.

 Ibihugu bigera ku 178 biracyarimo inzitizi  z’amategeko mu ruhare rw’abagore mu bukungu.

Mu bihugu 86, abagore bahura n’inzitizi mu kazi mu gihe 95 bitemeza umushahara ungana n’akazi bakora ugereranyije n’abagabo.

Banki y’Isi igaragaza ko hakiri imbogamizi mu burenganzira bwuzuye hagati y’abagore n’abagabo mu bijyanye n’ubukungu.

Icyakora ibihugu 23 byavuguruye amategeko yabyo mu 2021 kugira ngo bitere intambwe ikenewe mu guteza imbere abagore mu bukungu, nk’uko raporo ya Banki y’Abagore, Ubucuruzi n’amategeko ya 2022 ibigaragaza.

Umuyobozi wa Banki y’Isi ishinzwe politiki y’iterambere n’ubufatanye, Mari Pangestu, avuga ko hakiri itandukaniro hagati y’abagore n’abagabo mu bukungu bityo Guverinoma zikwiye kwihutishaivugurura ry’amategeko.

 Ati: “Nubwo hari intambwe imaze guterwa itandukaniro riracyahari hagati y’abagabo n’abagore Guverinoma zigomba kwihutisha umuvuduko w’ivugurura ry’amategeko kugira ngo abagore bamenye  ubushobozi bwabo bwose kandi bagire n’inyungu zingana.”

  • KAMALIZA AGNES
  • Werurwe 8, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE