Mapinduzi Cup: APR FC yabonye itsinzi ya mbere

  • SHEMA IVAN
  • Mutarama 3, 2024
  • Hashize amezi 2
Image

APR FC yatsinze JKU FC yo muri Zanzibar ibitego 3-1 mu mukino wa kabiri, ibona itsinzi ya mbere mu irushanwa Mapinduzi Cup ya 2024.

Uyu mukino wabaye kuri uyu wa Gatatu tariki ya 3 Mutarama 2024, kuri Amaan Stadium muri Leta ya Zanzibar.

Mapinduzi Cup ni irushanwa ritegurwa na Leta ya Zanzibar mu rwego rwo kwizihiza umunsi w’Ubwigenge, kiri kwishimira ku nshuro ya 60.

APR FC yinjiye mu mukino ifite imbaraga myinshi yabonye igitego cya mbere ku munota wa 7’ cyatsizwe na Ramadhan Niyibizi ku mupira mwiza yahawe Alioum Abdouramane uri mu bakinnyi iyi kipe yatwaye mu igeragezwa muri iyi mikino.

Ikipe y’Ingabo yakomeje gukina neza ariko ikoresha uruhande w’iburyo cyane rwariho Ndayishimiye Dieudonné na Ramadhan Niyibizi

Uko iminota yicumaga ni ko JKU yatangiye kwinjira mu mukino ariko uburyo bwabonwaga na saleh Massoud na Mudrik Abdi Shehe.

Mu minota 30, JKU yihariye umupira cyane ariko ntibigire icyo biyifasha kuko iyo yatangaga imbere mu bataha izamu bayo, kenshi umusifuzi yagaragazaga ko baraririye.

Mbere y’uko igice cya mbere kirangira Myugariro Niyigena Clement yakoze ikosa ryavuyemo penaliti nyuma gutegera umukinnyi wa JKU mu rubaga rw’amahina, yatsizwe na saleh massoud Abdalla.

Igice cya mbere cyarangiye amakipe yombi anganyije igitego kimwe kuri kimwe.

Mu igice cya kabiri, APR FC yongeye gutangirana imbaraga. Ku munota wa 46, Rutahizamu Victor Mbaoma yatsinze igitego cya kabiri ku mupira watewe na Alioum umuzamu uwugaruye ahita ashyira umupira mu urushundura. 

Ku munota wa 55, APR FC yakoze impinduka ebyri havamo Victor Mboama hinjiramo Mbonyumwami Taiba mu gihe Abdou yasimbuwe na Mugisha Gilbert.

Ku munota wa 67’ APR FC yabonye igitego cya gatatu cyatsizwe na Ramadhan Niyibizi watsinda igitego cya kabiri cye mu mukino ku ishoti rikomeye yatereye hanze y’uburuga rw’amahina umupira ukubita igiti cy’izamu ,gusa umusifuzi wo ku ruhande yemeza ko umupira winjiye mu rushundura ariko utajyezemo nkuko bigaragara mu mashusho. 

Ku munota 74’APR FC yabonye ubundi buryo gutsinda igitego cya kane kuri ‘coup franc yatewe na Ruboneka Jean Bosco gusa ntiyarega urukuta rw’abamyugariro ba JKU ugarurwa mu kibuga hagati.

Ikipe y’Ingabo yakomeje gukina neza ishaka igitego cya kane ariko bamyugariro ba JKU FC bakomeza kwihagararaho.

Umukino warangiye APR FC itsinze JKU yo muri Zanzibar ibitego 3-1 ibona itsinzi ya mbere mu mukino ya Mapinduzi Cup ya 2024. 

APR FC izagaruka mu kibuga ku wa Gatanu tariki 5 Mutarama 2024 isoza imikino ya matsinda ikina Simba SC saa 15:15 z’i Kigali.

  • SHEMA IVAN
  • Mutarama 3, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE