Loni iramagana imvugo z’urwango zikomeje kwiyongera mu Burasirazuba bwa Congo

  • ZIGAMA THEONESTE
  • Mutarama 10, 2024
  • Hashize amezi 2
Image

Komiseri Mukuru w’Ishami ry’Umuryango w’abibumbye Loni, ushinzwe uburenganzira bwa muntu, Volker Türk, ku ya 7 Mutarama yongeye kuvuga ko ahangayikishijwe n’ukwiyongera kw’imvugo z’urwango zishingiye ku moko no gukangurira ihohoterwa byafashe indi ntera mu Burasirazuba bw’igihugu cya Repubulika Iharanira Demokarasi ya Congo(RDC).

Yahamagariye ubutegetsi bwa RDC gukora ubucukumbizi n’iperereza ryigenga kandi mu mucyo ku bantu bose bagira uruhare mu kubiba imvugo z’urwango maze bakabiryozwa.

Mu itangazo yasohoye Türk yagize ati: “Nkurikira kenshi imvugo z’urwago zishingiye ku moko zituma ihohoterwa ryiyongera muri RDC by’umwiharimo mu Ntara ya Kivu y’Amajyaruguru n’iy’Amajyepfo,ndetse no mu bice bya Kasaï na  Katanga, kandi byakajije umurego  cyane nyuma y’amatora rusange aherutse kuba mu kwezi gushize”.

Yakomeje agira ati “Urwago rukabije ndetse no gutesha agaciro abantu bishishikaje bamwe, birimo kongera ihohoterwa ndetse bigashyira mu kaga umutekano w’akarere muri rusange. Hari imbaraga zashyizwemo n’ubuyobozi zigamije kurwanya ayo mahano ariko hakenewe izindi zisumbuyeho”.

Loni kandi kuva mu Ugushyingo 2022, yatangaje ko hakwiye kugira igikorwa kugira Jenoside irimo gututumba mu Burasirazuba bwa RDC ikumirwe.

Imvugo z’urwango ndetse n’ihohoterwa rishingiye ku moko byibasira Abanye Congo, bo mu bwoko bw’Abatutsi  zamaganwe kenshi ndetse zinagaragazwa n’Umujyanama wihariwe w’umunyabamabanga mukuru wa Loni mu  gukumira Jenoside Wairumu Nderitu Alice, aho yagaragaje ko ubu bugizi bwa nabi butizwa umurindi n’uko muri icyo gihugu hariyo umutwe w’iterabwoba wa FDLR, wanafatiwe ibihano na Loni kubera ko bamwe mu bawugize bagize uruhare muri Jenoside yakorewe Abatutsi mu Rwanda 1994, bakaza guhungira muri RDC.

Uwo muyobozi kandi muri Nyakanga 2023, yagaragaje ko ihohoterwa rishingiye ku moko, ubwicanyi ndengakamere no kwangiza imitungo bikomeje gufata indi ntera muri RDC, aho Loni ivuga ko ubutegetsi bukomeje kubirebera kandi nyamara bishobora kugeza kuri Jenoside.

  • ZIGAMA THEONESTE
  • Mutarama 10, 2024
  • Hashize amezi 2
TANGA IGITEKEREZO
lg says:
Mutarama 11, 2024 at 8:01 am

Génocide ili gukorwa muli Gaza Génocide ili gukorwa muli Congo icyo gishushanyo kiraho ngo LONI kimanitse aho gusa kitagira umumaro ubu bategerje ko abantu bashira ngo nyuma bazabone kubyita Génocide !! Ubutegetsi bwa Congo buli gukora génocide u Burundi buli gukora génocide byose kumugaragaro bafatikanije nubundi nabayikoze mu Rwanda u Burundi kandi sincuro imwe kuko bariya ba Cndd niyo mu Rwanda barayikoze benshi bali muma kambi hano bageze iwabo nuko barayikoze iwabo bica impunzi abishwe mu Rwanda mu Burundi muli Congo bose
nubwoko bumwe bamwe ndetse Ndayishimye utagira ubwenge yemeza ko batigeze bagira nu mwami ko kwicwa atali ikibazo aliko kintu ntiwamurenganya umuntu uvuga ko kwicisha amabuye abantu kumugaragaro atali icyaha nuko aba ali umwicanyi icyo cya LONI kanuye gusa kandi abantu bashira nyuma uzumva ngo yali génocide nkuko byagenze mu Rwanda

Andika igitekerezo

AMATEGEKO AGENGA IYANDIKA RY'IGITEKEREZO CYAWE