Lionel Messi yegukanye igihembo cy’umukinnyi mwiza wa FIFA

  • SHEMA IVAN
  • Mutarama 16, 2024
  • Hashize amezi 2
Image

Lionel Messi, Rutahizamu w’Ikipe y’Igihugu ya Argentine na Inter Miami yo muri Leta Zunze Ubumwe z’Amerika, yahawe igihembo cy’umukinnyi mwiza w’umwaka wahize abandi mu bagabo mu 2023, n’Ishyirahamwe ry’Umupira w’Amaguru ku Isi (FIFA).

Messi umaze gutwara umupira wa zahabu, Ballon d’Or, inshuro umunani yahigitse uwo bakinana mu ikipe ya Paris Saint Germain, Kylian Mbappe na rutahizamu wa Manchester City, Erling Haaland.

Ibirori byo gutanga iki gihembo byabereye i London mu ijoro ryo kuri uyu wa Mbere tariki 15 Mutarama 2024.

Messi w’imyaka 37 yanatwaye igihembo nk’iki 2022, bikaba byatumye aba umukinnyi wa mbere wegukanye iki gihembo inshuro gatatu y’ikurikiranye  nyuma ya Cristiano Ronaldo na Robert Lewandowski babikoze kabiri.

Iki gihembo gitangwa hashingiwe ku byavuye mu matora y’abatoza b’amakipe y’ibihugu na ba kapiteni bayo, abanyamakuru n’abafana hirya no hino ku Isi.

Ibi birori bisize ikipe y’umwaka igizwe na Thibaut Courtois wa Real Madrid mu izamu, mu bwugarizi harimo Walker wa Man City, Roben Dias wa Man city John Stones wa Man City.

Mu kibuga hagati hakinamo Kevin De Bruyne wa Manchester City, Jude Bellingham wa Real Madrid na Bernardo Silva wa Manchester City.

Ubusatirizi bugizwe na Lionel Messi na Kylian Mbappé bakinira PSG, Vinicius Junior wa Real Madrid na rutahizamu wa Manchester City, Erling Haaland.

Umukinnyi wahembwe nk’umukinnyi mwiza wahize abandi mu bagore muri ibi birori ni Aitana Bonmati wafashije ikipe y’igihugu ya Espagne kwegukana igikombe cy’Isi mu mwaka ushize wa 2023.

Uyu mugore yabaye umukinnyi wa mbere wegukanye igihembo cy’umukinnyi mwiza wa FIFA, Ballon d’Or n’igihembo cy’umukinnyi mwiza i Burayi mu mwaka umwe.

Umuzamu mwiza w’umwaka yabaye Éderson Moraes wa Manchester City, nyuma yo kuyifasha kwegukana ibikombe bine birimo Premier League, FA Cup, UEFA Champions n’igikombe cy’Isi.

Mu bagore umuzamu w’umwaka yabaye Umwongereza Mary Earps ukinira Manchester United.

Umutoza w’umwaka mu bagabo yabaye Pep Guardiola utoza Manchester City mu gihe mu bagore yabaye Sarina Wiegman utoza ikipe y’igihugu y’Abagore y’u Bwongereza.

  • SHEMA IVAN
  • Mutarama 16, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE