Kwibuka 30: Icyubahiro ku banditse kuri Jenoside yakorewe Abatutsi mu Gifaransa

  • NTAWITONDA JEAN CLAUDE
  • Mutarama 21, 2024
  • Hashize amezi 4
Image

Kuva ku itariki ya 6 no ku ya 9 Werurwe 2024, i Kigali hategerejwe Amahuriro Mpuzamahanga Mpuzamahanga y’Igitabo cy’Igifaransa, abanditse ibitabo bitandukanye kuri Jenoside yakorewe Abatutsi mu 1994 bakazashimirwa by’umwihariko ndese bakanahabwa icyubahiro.

Abo banditsi bazashimirwa mu gihe hazaba habura iminsi mike gusa ngo Abanyarwanda n’inshuti z’u Rwanda bifatanyirize hamwe batangire icyumweru cy’Icyunamo n’iminsi 100 yo Kwibuka ku nshuro ya 30 Jenoside yakorewe Abatutsi guhera ku ya 7 Mata 2024.

Muri ayo mahuriro mpuzamahanga azatangira ari ku wa Gatatu agasozwa ku wa Gatandatu, ibitabo byose byanditswe mu Gifaransa kuri Jenoside yakorewe Abatutsi n’ababyanditse bazaba ari abashyitsi b’imena.

Mu mwaka ushize, Ambasaderi w’u Bufaransa mu Rwanda yashimangiye agaciro k’ayo mahuriro ndetse n’ako kwimakaza ubuvanganzo bw’Igifaransa mu Rwanda, ati: “Ururimi rw’Igifaransa ni umurage ukwiye gusigasirwa, kandi ihuriro ndangamuco cy’abakoresha Igifaransa rizarushaho kunozwa…”

Iyo Nama Mpuzamahanga igiye kuba ku nshuro ya gatatu ikurikiye indi yabaye ku nshuro ya kabiri mu mwaka wa 2023 yitabiriwe n’abarenga 1300 bamaze iminsi ine mu Rwanda.

Ihuza abanditsi, abahanzi n’impuguke mu kwandika ibitabo, kubicapa no kubitangaza, abahagarariye ibigo by’amashuri ndetse n’abaturage bose bakunda ururimi rw’Igifaransa muri rusange.

Biteganyijwe ko abanditsi, impuguke mu by’amateka, abahanga mu nzego zinyuranye, abaharanira uburenganzira bwa muntu n’abanyamakuru bazahurira mu biganiro nyunguranabitekerezo bigaruka ku guhererekanya amateka no kwirinda ko ibibi byabaye byakongera kwisubira.

Inama ifite intego zirimo gukangurira inzego bireba kuvugurura politiki ishyigikira ubukungu n’uruhererekane rw’ubwanditsi bw’ibitabo mu Rwanda, no gushyiraho urubuga rw’ibiganiro hagati y’impuguke mu bwanditsi bw’ibitabo muri Afurika.

Nanone kandi iyo nama mpuzamahanga yitezweho kubera urumuri ibikorwa byose byoroshya kugera ku bitabo mu Rwanda no kurushaho kwimakaza ikoreshwa ry’Igifaransa.

Iyi nama izabera ku Ngoro Ndangamurage y’abakoresha Igifaransa (Centre Culturel Francophone) iri mu Rugando mu Murenge wa Kimihurura, aKarere ka Gasabo.

Iyo Nama izagirwa n’ibikorwa bitandukanye birimo ibiganiro bizamara iminsi ine bizabera ku Ngoro Ndangamurage y’Abakoresha Igifaransa,  urubuga rw’abanditsi ruzayoborwa na Gaël Faye, Abdourahman Waberi, Pierre Lepidi, Felwine Sarr, n’ibikotrwa bizabera mu mashuri 15 y’abafatanyabikorwa.

Nanone kandi   hazakorwa amahugurwa Azamara icyumweru agenewe by’umwihariko abatokozi (Editeurs) b’Afurika y’Iburasirazuba mu rwego rwa gahunda yo kubongerera ubumenyi.

Hari n’umunsi wahariwe urubyiruko uzaba ari ku wa Gatandatu, uzarangwa n’birori, gusabana, urubuga rw’abanditsi, amarushanwa yo gusoma, gutanga impano, gusangira n’ibindi.

Biteganyijwe ko iyo nama izitabirwa n’abanditsi b’ibitabo 28 bazaba baturutse mu bihugu bitanu ari bo:

– Gaël Faye (France)

– Dorcy Rugamba (Rwanda)

– Abdourahman Waberi (Djibouti)

– Pierre Lepidi (France)

– Yolande Mukagasana (Rwanda)

– Felwine Sarr (Sénégal)

– Vincent Duclert (France)

– Eric Emeraux (France)

– Annick Kayitesi-Jozan (Ouzbékistan)

– Aurélia Devos (France)

– Hélène Dumas (France)

– Ezéchias Rwabuhihi (Rwanda)

– Félicien Karege (Rwanda)

– Alain Gauthier (France)

– Isabelle Darras-Collombat (France)

– Daniel Le Scornet (Rwanda)

– Daphroza Gauthier (France)

– Michel Welterlin (France)

– Carole Karemera (Rwanda)

– Chantal Umuraza (Rwanda)

– Natacha Muziramakenga (Rwanda)

– Claudia Shimwa (Rwanda)

– Manzi Rugirangoga (Rwanda)

– Joëlle Épée Mandengue (Cameroun)

– Isabelle Darras (France)

– Dimitrie Sissi Mukanyiligira (Rwanda)

– Nina Salim (Rwanda)

– Laurent Larcher (France)

  • NTAWITONDA JEAN CLAUDE
  • Mutarama 21, 2024
  • Hashize amezi 4
TANGA IGITEKEREZO
Judence Kayitesi says:
Mutarama 22, 2024 at 8:39 pm

Murakoze cyane, kurumenyesha nibyiza rwose kujya mutwibutsa. Hari uwo mwibagiwe wanditse Vivant witwa Valens Kabarari uba France. Twe twanditse muri English musabitangaza ryari? Murakoze again kuvuga kumateka yacu.

Andika igitekerezo

AMATEGEKO AGENGA IYANDIKA RY'IGITEKEREZO CYAWE