Kuri uyu wa Gatanu tariki ya 12 Mutarama 2024, Abahanga mu by’amategeko benshi biraye mu mihanda ya Nairobi, Umurwa Mukuru wa Kenya, mu yo kwamagana icyo bita iterabwoba rya Perezida William Ruto ryo kwanga ibyemezo by’urukiko.
Iyo myigaragambyo yateguwe n’umuryango w’abategeko muri Kenya (LSK), ikaba yatangiriye Rukiko rw’Ikirenga igakomereza ku biro bya Perezida.
Abo banyamategeko bakoze iyo myigaragambyo bagamije kugaragaza kutishimira amagambo Perezida aherutse kuvuga.
Mu cyumweru gishize, Perezida Ruto yanenzwe cyane ubwo yatangazaga ku mugaragaro ko hari bimwe mu byemezo by’urukiko atazubahiriza, yemeza ko byafashwe na bamwe mu bacamanza batavuzwe amazina bivugwa ko bafatanije n’abatavuga rumwe n’ubutegetsi.
Ku wa Kane, Perezida wa LSK Eric Theuri, yashimangiye akamaro ko kugendera ku mategeko mu kiganiro n’abanyamakuru, agira ati: “Perezida w’iki gihugu ntabwo ari hejuru y’amategeko. Ntabwo rero dutegerej,e ko avuga ko yumvira ibyemezo byurukiko si impuwe ni ibyo agomba igihugu. Ni itegeko Nshinga ribimutegeka.”
Theuri yakomeje agaragaza ko Perezida Ruto aramutse akomeje kwibasira ubucamanza, LSK yatekereza gutangiza ibirego bimushinja “kwigomeka ku Itegeko Nshinga.”
Abantu bakomeye muri Kenya, barimo Kalonzo Musyoka wahoze ari Visi-Perezida ndetse na Eugene Wamalwa wahoze ari Minisiteri, bombi bakaba ari abanyapolitiki batavuga rumwe n’ubutegetsi, bifatanije n’abo bigaragambyaga.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE