Kamonyi: Sosiyete Sivili irimo gusura imishinga y’abakobwa babyariye iwabo

  • KAYITARE JEAN PAUL
  • Ugushyingo 29, 2023
  • Hashize amezi 3
Image

Itsinda ry’abahagarariye imiryango Nyarwanda itari iya Leta yatewe inkunga n’Urwego rw’Imiyoborere (RGB) ifatanyije n’Ishami ry’Umuryango w’Abibumbye ryita ku Iterambere (UNDP) mu Rwanda, barimo gusura imwe mu mishanga yakozwe na bamwe mu bagenerwabikorwa b’iyi miryango igamije guteza imbere imibereho y’abaturage.

RGB ibinyujije ku rubuga rwayo rwa X, yatangaje ko ari gahunda irimo gukorwa binyuze muri gahunda yo kwigiranaho.

Ni gahunda irimo kuba muri iki gitondo cyo kuri uyu wa Gatatu tariki 29 Ugushyingo 2023, mu Karere ka Kamonyi mu Ntara y’Amajyepfo.

RGB itangaza ko harimo gusurwa abagenerwabikorwa biteje imbere binyuze mu nkunga yabahaye ku bufatanye na UNDP.

Inkunga yatanzwe ngo ni muri gahunda yo kuzahura ibikorwa by’abagenerwabikorwa nyuma y’aho bagize ibihombo biturutse ku cyorezo cya Covid-19.

Mu mishinga yatewe inkunga, hasuwe isoko ryubatswe n’umuryango wa ‘Save the Generation’ ryafashishe abakobwa babyaye bakiri bato kwihangira imirimo binyuze mu bucuruzi bw’imbuto n’imboga.

Hasuwe kandi n’abandi bagenerwabikorwa bakuwe mu bucuruzi bw’akajagari (ubuzunguzayi) bubakirwa isoko mu Karere ka Kamonyi.

Hasuwe kandi umushinga wakozwe na Kaminuza Gaturika ya Kabgayi wo gutunganya imyanana/imikanana y’insina ivamo imboga zikungahaye ku ntungamubiri.

Uyu mushinga watangiye kwigishwa abaturage batandukanye bo mu Ntara y’Amajyepfo, bakaba baratangiye guteka ifunguro riturutse kuri iyi myanana.

Inkuru irakomeza…..

  • KAYITARE JEAN PAUL
  • Ugushyingo 29, 2023
  • Hashize amezi 3
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE