Kamonyi- Ruhango: Umuhanda wangijwe na Howo wahagaritse ubuhahirane

  • AKIMANA JEAN DE DIEU
  • Gashyantare 12, 2024
  • Hashize ibyumweru 3
Image

Abaturage batuye mu Murenge wa Nyarubaka uhana imbibi n’Umurenge wa Mbuye mu Karere ka Ruhango barasaba akarere kugira icyo gakora ku muhanda Musumba werekeza i Gisanga uciye mu Mudugudu wa Remera muri Nyarubaka wangijwe n’izi modoka zijya gupakira umucanga ku mugezi w’Urumanza mu Karere ka Ruhango.

Bamwe muri aba baturage bavuga ko bagorwa no kuba nta modoka ntoya yanyura muri uyu muhanda byanatumye abavandimwe bahina akarenge.

Rurangwa Simeon avuga ko ubusanzwe izi modoka zacaga mu Birembo ariko iteme ryaho ryarangiritse ryahuzaga Akarere ka Kamonyi na Ruhango mu Mirenge ya Mbuye na Nyarubaka zihita zifata uyu muhanda nawo urangirika cyane.

Ati: “Nk’uyu muhanda wanyuragamo ibinyabiziga bike kubera umuhanda wa Birembo iteme ryambuka muri Ruhango ritarangirika ariko ibiza bimaze kuritwara izi modoka zahise zinyura muri uyu muhanda urangirika gutya, aha nta modoka ntoya yahanyura n’abahaje baziparika hirya bakagenda n’amaguru nibadufashe barebe icyo bahakorera hongere kuba nyabagendwa”.

Umukuru w’Umudugudu wa Remera mu Kagali ka Gitare Mukankaka Donata avuga ko bamwe mu bafite imiryango yabo muri uyu Mudugudu basanzwe baza kubasura batakizana imodoka zabo kubera aho hantu hagiye hangirika.

Yagize ati: “Twabwiye inzego zitandukanye ko aha hantu habangamye ntacyo baradukorera, nibadufashe kuko ubuhahirane bwacu n’abavandimwe bacu bwasubiye hasi kuko aha ni ku kigega cy’ibiryo bijya i Muhanga no ku isoko rya Musambira ariko biratugoye.

Habimfura Syprien avuga ko kugeza ubu atazi uwo azaba imyaka ye irimo imigozi y’ibijumba n’amashaza byagijwe umuhanda nyuma yuko hano habaye isayo.

Ati: “Nawe reba nahinze nifuza kurya ariko imigozi yanjye n’amashaza byanjye byanyuzemo imodoka rjmwe abandi nabo babona ko bagomba kuhanyura kubera isayo yabaye hano none se ubu nzarya iki? Mbwira nawe nibadufashe kuko izi modoka zadushyize mu bibazo.”

Kubijyanye n’imodoka nto zitwara imyaka zinyura ku Ntenyo mu Karere ka Ruhango

Munyandinda Epimaque avuga ko asanzwe agemura ibiryo ku mashuri yo mu murenge wa Mbuye ariko kubigezayo bimuhenda bimusaba guca mu muhanda wa Ntenyo kubera ko imodoka yasaya ihanyuze.

Birashoboka ko bategeka abatwara aya makamyo kuzana ibyo kuhatabisha byasenywe ku nzu hakongera kuba nyabagendwa.

Abatwara izi modoka zirimo Howo zishe uyu muhanda bavuga ko na bo bibagorwa kuhanyura ariko kandi bahora biteguye nibura hagati y’ibihumbi 25 -35 mu gihe bahaheze kugira ngo babakuremo.

Bagira bati: “Natwe dutwara izi kamyo twemera ko ari twebwe twahishe ariko natwe dutanga imisoro kandi tukagerekaho amafaranga ari hagati y’amafaranga ibihumbi 25 na 30 mu gihe twahezemo kandi tuza twayiteguye badufashije hagakorwa, byafasha aba baturage kuko njyewe ndahanyura nubwo bingora ariko imodoka ntoya ntabwo zahanyura”.

Umuyobozi w’Akarere ka Kamonyi, Dr Nahayo Sylvere avuga ko ikiraro cyahuzaga Akarere ka Kamonyi na Ruhango uciye ahazwi nko mu Birembo bya Gitare muri Nyarubaka cyasenyutse.

Yagize ati: “Ikiraro cyahuzaga Akarere ka Kamonyi n’aka Ruhango cyarangiritse, ariko turi mu biganiro n’Akarere ka Ruhango  kugira ngo duhuze ubushobozi gikorwe habe haba nyabagendwa ubuhahirane bugende neza kandi ibiganiro bimeze neza ni ukwegeranya ubushobozi.

Ikindi tugiye kureba icyakorwa ngo aho hangiritse habe hakorwa n’umuganda nibiba bidashoboka harebwa uko hakorwa neza n’izo modoka zikomeze kuhakoresha kuko zirasora kugira ngo habeho amafaranga agaruka gufasha mu bindi bikorwa remezo.”

Yagarutse kandi ku muturage witwa Cyprien Habimfura wangirijwe umurima we yari yarahinzemo amashaza n’ibijumba ko yakwegera ubuyobozi bw’Inzego z’ibanze bakareba agaciro kabyo akaba yafashwa ntarengane kandi yari yarahinze

Kugeza ubu uyu muhanda unyuramo izi modoka nini gusa kubera ko nubwo wapfuye hano uwa Birembo wo ntizawunyuramo kubera ko ikiraro gihari zakigwamo bityo rero n’wo nguwo ukaba wasanwa hagasibwa ibinogo by’aho wangiritse abaturage bagakomeza guhahirana.

  • AKIMANA JEAN DE DIEU
  • Gashyantare 12, 2024
  • Hashize ibyumweru 3
TANGA IGITEKEREZO
MBONYINTORE Abias says:
Gashyantare 12, 2024 at 6:07 pm

Nukuri kamonyi ijye yita kumuhanda ujya ruhango kko ruhango ntako itajyira ariko gusohoka muri ruhango wajyera kamonyi biba bigoye ahitwa kuri dawe urimwijuru cyereka bigoye bakahatsindagira tukava mubwigunge

Andika igitekerezo

AMATEGEKO AGENGA IYANDIKA RY'IGITEKEREZO CYAWE