Ikipe ya Mukura VS yasinyishije Joseph Sackey wakiniraga Muhazi United FC mu kibuga hagati, amasezerano y’imyaka ibiri.
Iyi kipe yabitangaje kuri uyu wa Kabiri tariki ya 8 Nyakanga 2025.
Tariki ya 30 Kamena 2025, ni bwo Joseph Sackey ukomoka muri Ghana yasoje amasezerano yari afite muri Muhazi United, ahitamo gushaka indi kipe kuko iyo yarimo yari imaze kumanuka mu cyiciro cya kabiri.
Joseph Sackey w’imyaka 23 yagize umwaka mwiza wa 2024/25 muri Muhazi United yari abereye kapiteni, aho yakinnye mu kibuga hagati atsinda ibitego bitatu, anatanga indi mipira ine ivamo ibindi.
Sackey abaye umukinyi wa Kabiri Mukura VS isinyishije muri iyi mpeshyi nyuma Emmanuel Tuyishime wavuye mu Amagaju FC.
Iyi kipe kandi yongereye amasezerano y’imyaka abiri Hakizimana Zuber na Niyonzima Eric Fiston.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE