Isiraheli ikomeje kumisha ibisasu kuri Gaza byanahitanye abantu 5

  • NYIRANEZA JUDITH
  • Mutarama 20, 2024
  • Hashize amezi 4
Image

Kuri uyu wa Gatandatu, tariki ya 20 Mutarama 2024, Isiraheli ikomeje kugaba ibiytero mu majyepfo y’akarere ka Gaza, agace kibasiwe n’ibibazo ku buryo ibikorwa by’ubutabazi bitoroshye kuba byahakorerwa, bitewe no kutumvikana ku kuba hashyirwaho igihugu kigenga cya Palesitina. Muri Cisjordanie, ibitero bya Isiraheli biriyongera kandi biteje impagarara.

Isiraheli ikomeje kugaba ibitero muri Khan Younès, mu majyepfo y’akarere ka Gaza. Abisiraheli kandi bakomeje ibikorwa by’intambara mu gace ka Cisjordanie bamaze kwigarurira.

Igitero cya Isiraheli yagabye i Damasiko, Umurwa mukuru wa Siriya, cyahitanye abantu 5 kuri uyu wa gatandatu, barimo umwe mu bari bashinzwe umutekano w’impinduramatwara ya Irani, abandi barakomereka.

Aho i Damasiko muri Syria, igitero cya Isiraheli cyari cyibasiye abayobozi bashyigikiye Irani, cyaguyemo abantu batanu.

Ibi bibaye nyuma y’uko ku wa Gatanu tariki ya 19 Mutarama 2024, Perezida w’Amerika John Biden na Minisitiri w’Intebe wa Isiraheli Benyamin Netanyahu bavuganye kuri telefoni, none bukeye bwaho, Benyamin Netanyahu ku bijyanye n’uko yanze ko hashyirwaho igihugu cya Palesitine nyuma y’intambara.

Perezida w’Amerika avuga ko igisubizo cy’ibihugu byombi gishobora kuba cyaboneka biturutse kuri Benyamina Netanyahu.

Umuryango w’Ubumwe bw’Ibihugu by’i Burayi ntuvuga rumwe ku bijyanye n’ibibazo byo mu Burasirazuba bwo Hagati.

Ku ruhande rumwe, rufata ibihano kuri Hamas, ariko ku rundi ruhande rutangiza ibirego kuri Isiraheli. Dipolomasi yuzuye urujijo ariko irerekana icyifuzo cy’Abanyaburayi ku kuba bagira uruhare rugaragara, cyane cyane inama y’Abaminisitiri b’Ububanyi n’Amahanga b’u Burayi yabereye i Buruseli na bagenzi babo, aho ndetse abahagarariye batandatu bo mu karere bemeye ubutumire bwabo.

Ku wa gatanu, Leta zunze ubumwe z’Amerika zagabye ibitero bishya ku ba Houthis muri Yemen, zivuga ko ari mu rwego rwo kwirwanaho mu gihe ibitero byagabwe kenshi n’inyeshyamba zo muri Yemen byibasiye amato y’abacuruzi mu gace gakomeye ko mu nyanja y’ubucuruzi buhuza Isi.

Raporo yatangajwe kuri uyu wa gatandatu tariki ya 20 Mutarama na Minisiteri y’ubuzima ya Hamas, muri Gaza hamaze gupfa abantu 24.927 kuva intambara yatangira ku ya 7 Ukwakira 2023. Abenshi mu bapfuye ni abagore, ingimbi n’abana, naho abakomeretse barenga 62.350.

  • NYIRANEZA JUDITH
  • Mutarama 20, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE