Inzu zirenga 1400 zarasanwe mu nkambi ya Kigeme n’iya Kiziba

  • ZIGAMA THEONESTE
  • Mutarama 31, 2024
  • Hashize ibyumweru 4
Image

Minisiteri ishinzwe Ibikorwa by’Ubutabazi (MINEMA), yatangaje ko mu mwaka wa 2022-2023 inzu zo 1,433 zo mu nkambi z’impunzi za Kigeme na Kiziba zasanwe.

Byatangajwe na Minisitiri w’Ibikorwa by’Ubutabazi, Maj. Gen. (Rtd) Albert Murasira, abibwira Abadepite bagize Komisiyo y’Ubumwe bw’Abanyarwanda, Uburenganzira bwa Muntu no Kurwanya Jenoside, mu biganiro bagiranye byagarukaga ku bibazo byabajijwe kuri raporo ya Komisiyo y’Uburenganzira bwa Muntu y’ibikorwa bya 2022-2023.

Muri ibyo biganiro byabaye ku wa 30 Mutarama 2024, MINEMA yatangaje ko mu nkambi ya Kigeme hasanwe inzu 738 na 695 zo mu ya Kiziba kubera ko zari zishaje.

Mu byagaragaye muri raporo harimo ikibazo cy’inzu zishaje mu nkambi ya Kigeme n’iya Kiziba, aho Minisitiri Maj. Gen. (Rtd) Albert Murasira yavuze ko buri mwaka habarurwa inzu zishaje zikeneye gusanwa hakagira izisanwa bitewe n’ubushobozi buhari.

Ku bikorwa kugira ngo umubare w’impunzi ziri guterwa inkunga yo kwihangira imirimo wiyongere mu rwego rwo kuzamura imibereho myiza yazo, yavuze ko hari imishinga irimo ifasha impunzi mu bikorwa bitandukanye birimo ubuhinzi, hari n’abahabwa inguzanyo zo kwiteza imbere.

Minisitiri wa MINEMA Maj. Gen. (Rtd) Albert Murasira,
  • ZIGAMA THEONESTE
  • Mutarama 31, 2024
  • Hashize ibyumweru 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE