Inkoko ni yo ngoma mu bizami bya Leta by’icyiciro rusange n’ayisumbuye

  • Imvaho Nshya
  • Nyakanga 24, 2023
  • Hashize amezi 10
Image

Ejo ku wa Kabiri tariki ya 25 Nyakanga, abanyeshuri basoza icyiciro rusange n’abasoza amashuri yisumbuye 212 399 barazindukira mu bizami bya Leta nk’uko byatangajwe  n’Ikigo cy’Igihugu gishinzwe Ibizamini n’Ubugenzuzi bw’Amashuri (NESA).

Biteganyijwe ko Umunyamabanga Uhoraho muri Minisiteri y’ Uburezi Charles Karakye azatangiza ku mugaragaro ibizamini bya Leta bisoza icyiciro rusange (Ordinary Level) ndetse n’amashuri yisumbuye (Advanced Level).

Ni igikorwa kizabera  ku ishuri ryitwa Group Scolaire  Kigali riherereye mu Karere ka Nyarugenge, ahari bukorere abanyeshuri 395 barimo ab’igtsina gabo 178 n’ab’igitsina gore 217. 

Abakandida babarizwa mu cyiciro rusange (Ordinary Level /Tronc commun) ni 131,535 bagizwe n’ab’igitsina gabo 58 005 n’ab’igitsina gore 73 530 bazakorera ku masantere 621 ku bigo 1 854.

Abanyeshuri barangiza ayisumbuye ni 48 674 bagizwe n’ab’igitsina gore 27 367 n’ab’igitsina gabo 21 307, bazakorera ku masantere 492 ku bigo by’amashuri 857.

Mu mashuri nderabarezi hazakora 3 394 bagizwe n’ab’igitsina gore 2 286 n’ab’igitsina gabo 170 898 abarizwa ku bigo 232 bazakorera ku masantere.

Abanyeshuri bo mu mashuri y’imyuga n’ubumenyi ngiro hazakora 28 196 aguzwe n’ab’igitsina gabo 15 229 n’ab’igitsina gore 12 967 bazakorera ku masantere y’ibizami130 ku bigo 231.

Abakandida bose uko ari  212 399 bagizwe n’ab’igitsina gabo 96 249 n’ab’igitsina gore 116 150, bazakorera ku masantere y’ibizami 1 341 abarizwa ku bigo 3 174.

Mu bakandida biyandikishije muri uyu mwaka w’amashuri wa 2022/ 2023, harimo abafite ubumuga 1203 barimo ab’igitsina gabo 641 n’ab’igitsina gore 562.

Yanditswe na NYIRANEZA JUDITH

  • Imvaho Nshya
  • Nyakanga 24, 2023
  • Hashize amezi 10
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE