Inama zafasha umubyeyi kugira ubuzima bwiza mu gihe atwite

  • KAMALIZA AGNES
  • Mutarama 9, 2024
  • Hashize amezi 5
Image

Mu gihe cyo gutwita usanga ababyeyi bagira impinduka batamenyereye ku mubiri ariko hari nubwo usanga bamwe batamenya inama zabafasha kugira ubuzima bwiza kurushaho.

Urubuga rutangaza ibijyanye n’ubuzima bw’umubyeyi n’umwana rwitwa Parents.com ruvuga ko hari inama zitandukanye umubyeyi utwite ashobora gukurikiza.

Gufata ibinini bya Vitamine mbere yo kubyara

Ni byiza gutangira kunywa ibinini byongera vitamine ukimara kumenya ko wasamye kuko bifasha ubwonko bw’umwana gukura neza, gukomera k’uruti rw’umugongo n’ibindi.

Ni ngombwa rero kuko habamo intungamubiri z’ingenzi nka folate, calcium, na fer kandi kubifata  bituma wumva utuje, gerageza ubifate nijoro cyangwa ubifatire hamwe n’ifunguro ryoroheje.

Gukora imyitozo ngororamubiri

Imyitozo ni ngombwa kuko bifasha kugabanya imihangayiko, kunoza umuvuduko w’amaraso, kongera umwuka wawe, no gusinzira neza. Kora imyitozo cyangwa ugende nibura iminota 15 kugeza kuri 20 ku munsi ku kigero giciriritse  kandi uri ahantu hakonje, mu gicucu cyangwa mu nzu kugira ngo wirinde ubushyuhe bwinshi.

Imyitozo irimo yoga, koga, nabyo ni ibikorwa bikomeye by’ingenzi  ushobora gukora.

Kwandika ibyifuzo byawe na gahunda yo kubyara

Andika ibyifuzo byawe kandi utange kopi ku bantu bose b’inshuti zawe bagufasha mu gihe utwite, kuko bigufasha kugira umunezero no kumva ko witaweho.

Gukora umwitozo wa Kegels

Imyitozo ya Kegel ikomeza imitsi yo hasi, ifasha uruhago rwawe, amara, na nyababyeyi kandi ubikorewe neza, iyi myitozo yoroshye yagufasha no kudacika intege.

Kwirinda sauna

Gutwita aba ari igihe cyo kwitwararika hirindwa sauna kuko ishobora kugutera ubushyuhe bwinshi, amavuta amwe n’amwe ashobora gutera iyangirika ry’inkondo y’umura, cyane cyane mu gihembwe cya mbere n’icya kabiri. Umubyeyi agirwa inama yo kureba umuganga we wa massage kugira ngo umenye neza uburyo bwiza wakoresha.

Kunywa amazi menshi ahagije

Mu gihe utwite, amaraso yawe aba arimo gutanga ogisijene n’intungamubiri z’ingenzi ku mwana wawe binyuze mu myanya yabugenewe kandi amaraso yawe yiyongera kugera kuri 50%. Kugira ngo ubashe gutunga umwana ni ngombwa kunywa amazi kugira ngo bigerweho.

Kunywa amazi bishobora kurinda kuribwa mu nda, hemoroyide n’indwara zishobora kwibasira urwungano rw’inkari.

Bigabanya umunaniro, no kubabara umutwe, afata nibura ibirahuri umunani kugeza ku 10 ku munsi.

Kugira inshuti

Shakisha nibura uburyo bwo guhura n’abandi bantu batwite,  mbere yo kubyara, cyangwa itsinda ry’ababyeyi, muganire mugirane ubusabane.

Uru rubuga rukomeza ruvuga ko mu bindi bintu by’ingenzi umubyeyi utwite agomba kuzirikana ari ugufata indyo yuzuye kandi agahorana akanyamuneza kuko bimurinda kwigunga ndetse bigafasha n’amarangamutima y’umwana gukura neza.

Umubyeyi utwitw agirwa inama yo gukora umwitozo wa kegel
  • KAMALIZA AGNES
  • Mutarama 9, 2024
  • Hashize amezi 5
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE