I&M Bank yungutse miliyari 10.9 mu mwaka wa 2021

  • NTAWITONDA JEAN CLAUDE
  • Werurwe 23, 2022
  • Hashize imyaka 2
Image

I&M Bank yashyize ahagaragara umusaruro w’inyungu  ingana na miliyali 10.9 yungutse mu mwaka wa 2021 warangiye taliki ya 31 Ukuboza 2021.

Byatangajwe mu kiganiro n’abanyamakuru cyabere mu cyumba cy’inama iyi banki ikoreramo, mu gitondo cy’uyu munsu kuwa 23 Werurwe2021, aho ubuyozi bukuru bw’iyi banki bwagaragarizaga itangazamakuru umusaruro bwagize mu mwaka wa 2021.

Umuyobozi mukuru wa I&M Bank (Rwanda) Plc, Bwana Robin Bairstow yavuze ko uyu musaruro bawukesha ingamba ziri mu guteza imbere ikoranabuhanga rijyanye n’umurongo mugari iyi banki igenderaho.

Ati “Uyu musaruro uturuka mu mbaraga twashyize mu guteza imbere ikoranabuhanga rijyanye n’umurongo mugari wa banki yacu, ndetse no guharanira kuba umufatanyabikorwa wa mbere mu Rwanda mu iterambere ry’ubukungu, uyu musaruro kandi uva mu bufatanye bwiza n’abakiriya bacu n’akazi gakomeye gakorwa n’abakozi ba banki.”

Muri iki kiganiro hagaragarijwemo ibyavuye  mu mwaka wa 2021 ugereranije n’umwaka wawubanjirije wa 2020.

Ubuyobozi bw’iyi banki bwagaragaje ko yinjije miriyari 31.7 z’amafaranga y’u Rwanda nk’inyungu fatizo mu mwaka wa 2021, zikaba zikaba ziyongereyeho 24% ugereranije n’umwaka wa 2020, bitewe n’izamuka ry’inyungu uru hagati y’amafaranga yinjiye nandi yungukiye abariya babikije ku ijanisha rya 21% ndetse n’igiabanuka ry’igihombo ku nguzanyo zitishyurwa neza ku ijanisha rya 69% ugereranije n’umwaka wa 2020.

Hagaragajwe kandi ko kwihutisha ishyirwa mu bikorwa ryo gukoresha ikoranabuhanga 74% ry’ibikorwa banki ikorera abakiriya, bibasha gukorwa hifashishijwe inzira z’ikoranabuhanga gusa, ibi bigabisha ku gutanga serivisi nziza kandi zihuse ku bakiriya.

Umuyobozi w’inama y’ubutegetsi Bonaventure Niyibizi yavuze ko bibanda gushimangira imikorere myiza baha agaciro karambye abafatanyabikorwa.

Ati “Gushimangira imikorere myiza nibyo twibandaho, duharanira gufata neza abatugana baba abakiriya bacu ndetse n’abafatanyabikorwa bacu batandukanye.”

Niyibizi yakomeje avuga ko umwaka basoje wa 2021 ku bufatanye n’abafatanyabikorwa ba banki mu nzego za leta n’izabikorera, babaye hafi umuryango nyarwanda mu nzego z’ubuzima, uburezi no kubungabunga ibidukikije biciye mu bikorwa birimo umuganda wo gutera ibiti mu nkambi ya Gihembe, kwishyurira ubwisungane mu kwivuza abaturage 3500 batifashije bo mu turere twa Nyarugenge na Gasabo.

Yongeraho ko kandi bishyuriye amashuri abana avuga ko nka I&M Bank biyemeje gukomeza gufasha umurayngo nyarwanda ndetse no gutanga umusanzu mu iterambere ry’igihugu.

Robin Bairstow uyobora iyi banki yavuze ko muri uyu mwaka I&M Bank abakiriya biyongereye ku rugero rwa 30% ugereranije n’umwaka wa 2021.

Ati “Icyiciro cy’abakiriya bato n’abaciriritse cyiyongereye ku kigero cya 80%, hamwe n’imbaraga twashyize mu gushyigikira iterambere muri icyo kiciro, byatumye banki yakira igihembo cya banki yahanze udushya kizwi nka ‘Global Productd Innovation of the Year’ gitangwa na IFC Global Finance Award.”

Yakomeje agira ati “Mu gushyigikira iterambere rirambye ry’igihugu , banki yashoye imari mu kubaka icyicaro cyayo gishya kijyanye n’igihe, ibi byatumye banki irushaho kugira abakiriya mu byiciro bitandukanye, iyi nyubako yabonye ubu yamaze kubona abayikoreramo ku buryo bwuzuye kuko ari inyubako yujuje ibisabwa mu kubungabunga ibidukikije mu Rwanda.”

Mu rugendo rwo gukomeza kuba banki ihanga udushya I&M Bank yatangije serivisi nshya yise ‘Bancassurance’, iyi ikaba ikorana n’ibigo bitandukanye by’ubwishingizi.

Mu rwego kandi rwo gukomeza kuzamura ikoranabuhanga, hatangijwe serivisi zo gutanga inguzanyo hakoreshejwe telefoni zigendanwa hamwe n’umufatanyabikorwa w’iyi nanki witwa SPENN, kugeza ubu iyi serivisi ikaba imaze kugira ibihumbi Magana atatu bayikoresha.

  • NTAWITONDA JEAN CLAUDE
  • Werurwe 23, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE