Iburengerazuba: JADF yakoze ibifite agaciro ka miliyari 37 Frw

  • NYIRANEZA JUDITH
  • Ukuboza 8, 2023
  • Hashize amezi 6
Image

Abafatanyabikorwa mu Iterambere (JADF) ku rwego rw’Intara y’Iburengerazuba bagize uruhare mu bikorwa bitandukanye biteza imbere abaturage bifite agaciro k’amafaranga y’u Rwanda miliyari zisaga 37.

Ni ibyatangajwe kuri uyu wa Gatanu tariki ya 8 Ukuboza 2023, mu nama nyunguranabitekerezo yahuje Abafatanyabikorwa mu iterambere yabereye mu Karere ka Rusizi yarimo Inzego z’ibanze, iyobowe na Guverineri w’Intara y’Iburengerazuba Dushimimana Lambert ari kumwe n’Umunyamabanga Mukuru w’Urwego rw’Igihugu rw’Imiyoborere RGB Dr. Kalisa Edouard.

Muri iyi nama hagaragajwe ko JADF yagize uruhare rugaragara mu bikorwa bitandukanye bifasha abaturage, aho mu mwaka wa 2022-2023, ibyakozwe byose mu Turere tugize Intara bifite agaciro k’amafaranga y’u Rwanda asaga miliyari 37.

Abari mu nama bagaragarijwe kandi ibyavuye mu bushakashatsi ku buryo abaturage babona imiyoborere n’imitangire ya serivisi mu nzego zibegereye CRC2023. Muri rusange, hakurikijwe Uturere, Rubavu ni yo iza ku mwanya wa mbere ku rwego rw’Igihugu n’amanota 81.10%.

Mu bushakashatsi CRC2023 kandi, abaturage bagaragaje ko umutekano ari wo uza ku isonga, Nyabihu ifite amanita 95,2%; Ngororero nifite 92,8%; Rusizi n’amanota 91,6%; Nyamasheke yagize 91,2%; Rutsiro n’amanota 89,5% na Rubavu ifoite amanita 88,8%.

A

Abaturage kandi bashima imikorere y’inzego z’ibanze mu Turere tugize Intara y’Iburengerazuba.

Uko abaturage babona uruhare rwabo mu bibakorerwa mu Turere tugize Intara y’Iburengerazuba, aho Akarere ka Nyabihu ari aka mbere n’amanota 93,8%; Ngororero igira 92,8%; Rubavu yagize 88,9%, Karongi ifite 88,6%, Rutsiro na 88,2%, Rusizi yagize 86,2%; na Rusizi ifite 84,2%.

Uko abaturage babona iyubahirizwa ry’amahame y’imiyoborere n’icyizere bafitiye inzego z’ubuyobozi mu Turere tugize Intara y’Iburengerazuba, ku isonga haza Akarere ka Rusizi gafite 91,6%, Rubavu 96,0%; Ngororero 90,3%; Karongi 90,2%, Nyamasheke 90,1%; Rutsiro 89,4% na Nyabihu 88,0%.

  • NYIRANEZA JUDITH
  • Ukuboza 8, 2023
  • Hashize amezi 6
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE