Ibigo byigenga bicunga umutekano byasabwe kurushaho gukora kinyamwuga

  • Imvaho Nshya
  • Ugushyingo 12, 2023
  • Hashize amezi 4
Image

Ibigo byigenga bicunga umutekano byasabwe kurushaho kunoza amahugurwa ahabwa abakozi mu rwego rwo guteza imbere imikorere y’ubunyanwuga.

Ni ubutumwa bwatanzwe ku wa Gatanu tariki 10 Ugushyingo, mu muhango wo gusoza amahugurwa y’ibanze yitabiriwe n’abagera ku 126 barimo ab’igitsina gore 31, bakorera ibigo byigenga bicunga umutekano bibiri ari byo; GardaWorld na High Sec bikorera mu Mujyi Kigali.

Superintendent of Police (SP) Bernard Gatete, ushinzwe amahugurwa mu Ishami rya Polisi rishinzwe umutekano w’Ibikorwa remezo b’ibigo byigenga bicunga umutekano, yashishikarije abakozi bo mu bigo byombi byigenga bicunga umutekano, kwihatira kunoza amahugurwa mu rwego rwo kurushaho gukora akazi kinyamwuga.

Yabibukije kandi guhora barangwa n’indangagaciro ndetse n’imyitwarire ndangamikorere ihesha agaciro ibigo bakorera birinda ruswa n’indi myitwarire ishobora gutuma batakarizwa icyizere.

Mu rwego rwo guteza imbere imikorere y’ibigo byigenga bicunga umutekano, Ishami rya Polisi y’u Rwanda rishinzwe ibikorwaremezo n’umutekano w’ibigo byigenga bicunga umutekano, basuye ibigo bitandukanye mu Mujyi wa Kigali, mu rwego rwo gusuzuma imikorere y’abakozi n’ubuziranenge bw’ibikoresho byifashishwa mu gucunga umutekano.

RNP

  • Imvaho Nshya
  • Ugushyingo 12, 2023
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE