Ibicuruzwa bya ‘Made in Rwanda’ byamuritswe muri Mozambique

  • Imvaho Nshya
  • Gicurasi 24, 2022
  • Hashize imyaka 2
Image

Abashoramari baturutse mu Rwanda banyuzwe no kumurika ibicuruzwa byabo byakowrewe mu Rwanda i Maputo muri Mozambique, bikaba byishimiwe n’abacuruzi n’abashoramari bo muri icyo gihugu bitegura kwagura ubufatanye mu guhanahana ibicuruzwa bikorerwa mu bihugu byombi.

Ni mu gihe abaashoramari 54 bo mu Rwanda na bagenzi babo bo muri Mozambique bateraniye mu nama y’iminsi itatu yatangiye kuri uyu wa Kabiri igamije kwigira hamwe uko bafatanya mu kubyaza umusaruro amahirwe y’ishoramari aboneka mu bihugu byombi.

Iyo nama yatangiye kuri Kabiri taliki ya 24 ikazageza ku wa 26 Gicurasi 2022, yitezweho gutanga umwanya uhagije wo kuganira ku bufatanye bw’ibihugu byombi mu kubyaza umusaruro amahirwe y’ubucuruzi n’ishoramari n’uburyo abacuruzi bayabyaza umusaruro mu nyungu z’iterambere ry’ibihugu byombi.

Ubuyobozi bw’Urugaga rw’Abikorera mu Rwanda (PSF) bwatangaje ko abitabiriye iyo namabanyuzwe no kumurikirwa ibicuruzwa bya Made In Rwanda muri Mozambique, bakaba babona amahirwe akomeye muri iyo nama ibonwa nk’umwanya wo kwagura isoko ry’ibicuruzwa byabo mu mahanga no gutangiza ubufatanye na bagenzi babo bo muri Mozambique by’umwihariko.

Gahunda ya Made in Rwanda ni politiki ya Leta y’u Rwanda igamije gushyigikira iterambere ry’ibikorerwa mu Rwanda bigakundwa n’Abanyarwanda ndetse bikagera no mu ruhando mpuzamahanga.

Ni gahunda jyanye n’icyerekezo cy’Igihugu cyo kuba mu bihugu bifite ubukungu biringaniye mu 2035 no ku byateye imbere bitarenze mu 2050. Made in Rwanda yagaragaje kenshi kugira uruhare rukomeye mu kugera kuri iyo ntego by’umwihariko mu myaka isaga itanu ishize nk’uko bisobanurwa na Minisiteri y’Ubucuruzi n’inganda (MINICOM).

Kuri ubu ni gahunda igaragarza umusaruro mu iterambere ry’inzego zinyuranye haba mu kongrera agaciro umusaruro ukomoka ku buhinzi n’ubworozi, ku nganda z’imyenda n’imyambaro itandukanye, ibikoresho by’ubwubatsi, ibikoresho by’ikoranabuhanga n’ibindi.

Kuri ubu Made in Rwanda ni izina rigaragaza u Rwanda mu ruhando mpuzamahanga cyane ko ritwaye icyerekezo cy’Igihugu cyo kubaka ubukungu bushingiye ku iterambere ry’abikorera.

Muri iyi nama kandi, PSF yasinyanye amasezerano y’ubufatanye n’Ikigo cyo muri Mozambique gishinzwe iterambere ry’Ubucuruzi agamije kwimakaza ubufatanye n’ubutwererane mu guteza imbere ubucuruzi.

  • Imvaho Nshya
  • Gicurasi 24, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE