Hatangijwe icyumweru cyahariwe kurwanya ikoreshwa ry’ibiyobyabwenge

  • NTAWITONDA JEAN CLAUDE
  • Kamena 8, 2022
  • Hashize imyaka 2
Image

Ibiyobyabwenge byangiza ubuzima bw’ubikoresha ndetse bikaba binateza akaga abatabikoresha, biteza ingorane zirimo gukomeretsa, gukubita, guhohotera n’ibindi, bikaba bikwiye kwamaganwa na buri wese. Bityo kuri uyu wa Kabiri hatangijwe icyumweru cyahariwe kurwanya ikoreshwa ryabyo.

Umunyamabanga wa Leta muri Minisiteri y’Ubuzima Dr.  Mpunga Tharcisse ari kumwe n’Umuyobozi w’Akarere ka Kayonza John Bosco Nyemazi ndetse n’abagize inama y’umutekano itaguye ku rwego rw’Intara n’Akarere batangije icyumweru cyahariwe kurwanya ikoreshwa ry’ibiyobyabwenge.

Ku rwego rw’Igihugu iki cyumweru cyatangirijwe mu Karere ka Kayonza mu ishuri rya New Life Christian Academy.

Insanganyamatsiko y’icyumweru ni:” Ibiyobyabwenge birica, tubyirinde kandi tubyamagane.”

Mu ijambo ry’ikaze Umuyobozi w’Akarere ka Kayonza John Bosco Nyemazi, yavuze ko ikoreshwa ry’ibiyobyabwenge ari ikibazo gihangayikishije Isi yose, ndetse n’u Rwanda muri rusange.

Meya Nyemazi yibukije ibibi by’ibiyobyabwenge anashishikariza buri wese guca ukubiri nabyo.

Ati: “Ingaruka z’ikoreshwa z’ibiyobyabwenge ziri mu ngeri zitandukanye harimo ingaruka ku buzima, ku myigire y’abanyeshuri, umutekano, ubukungu n’iterambere ry’igihugu”.

Umunyamabanga wa Leta muri Minisiteri y’Ubuzima Dr. Mpunga Tharcisse yavuze ko u Rwanda rwahisemo uyu munsi kugira ngo rurinde urubyiruko ndetse n’Abanyarwanda muri rusange.

Yagaragaje ko ikoreshwa ry’ibiyobyabwenge rigenda rifata intera kandi ko umuntu wamaze kubinywa aho kubigabanya agenda abyongera.

Yabwiye urubyiruko ko ari rwo ruzubaka igihugu mu minsi iri imbere, arusaba kwirinda ibiyobyabwenge kugira ngo abo bazabyara bazabasigire igihugu kizima.

Yagaragaje kandi ko ikwirakwiza ry’ibiyobyabwenge rigenda rifata intera ndetse rigaragara no mu bana. Yasoje asaba abantu bose gushyira hamwe imbaraga kugira ngo bace ikwirakwizwa ry’ibiyobyabwenge.

Umuyobozi w’Akarere ka Kayonza John Bosco Nyemazi Yasoje avuga ko nta mwana w’u Rwanda ukwiye kunywa ibiyobyabwenge kuko bigira ingaruka kuri we no ku gihugu muri rusange.

Yasoje avuga ko nta mwana w’u Rwanda ukwiye kunywa ibiyobyabwenge kuko bigira ingaruka kuri we no ku gihugu muri rusange.

Uwo munsi kandi waranzwe no kumena mu ruhame ibiyobyabwenge nka Kanyanga byafashwe n’abashinzwe umutekano.

  • NTAWITONDA JEAN CLAUDE
  • Kamena 8, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE