Handball: Ikipe y’Igihugu yerekeje mu Misiri kwitabira Igikombe cy’Afurika

  • SHEMA IVAN
  • Mutarama 9, 2024
  • Hashize amezi 2
Image

Ikipe y’Igihugu ya Handball mu bagabo yerekeje mu Misiri kwitabira imikino y’Igikombe cy’Afurika kizatangira tariki 17 kugeza 27 Mutarama 2024.

Mu rukerera rwo kuri uyu wa Kabiri tariki 9 Mutarama 2024, ni bwo Ikipe y’Igihugu ya Handball mu bagabo yahagurutse mu Rwanda yerekeje i Cairo mu Misiri kwitabira igikombe cy’Afurika kigiye kuba ku nshuro ya 26.

Mbere yo guhaguruka mu Rwanda iyi kipe yashyikirijwe ibendera ry’Igihugu n’umuyobozi ushizwe amakipe y’igihugu muri Ministeri ya Siporo Munyanziza Gervais wabasabye kuzimana u Rwanda abibutsa ko batagiye kwitabira ahubwo bagiye guhiganwa.

Munyanziza Gervais ushinzwe amakipe y’Igihugu muri Minisiteri ya Siporo, yasabye abakinnyi kubyaza umusaruro amahirwe babonye.

Ati: “Ni ubwa mbere tugiye kwitabira iri rushanwa mu bakuru. Biragoye nk’abantu bagiye bwa mbere kubasaba ibirenze nk’ibyo twifuza, ariko bagerageze barenge amatsinda cyangwa bibaye ngombwa bagere muri ¼.”

Abagize itsinda ry’Ikipe y’Igihugu yitabiriye Igikombe cy’Afurika mu Misiri

Abakinnyi

Uwayezu Arsène, Baninimana Samuel, Kubwimana Emmanuel, Mugabo Samuel, Muhumure Elyse, Muhawenayo Jean Paul, Rwamanywa Viateur, Karenzi Yannick, Ndayisaba Etienne, Nshumbusho Maliyamungu, Nshimiyimana Alexis, Mbesutunguwe Samuel, Musoni Albert, Umuhie Yves, Kayijamahe Yves, Urangwanimpuhwe Guido na Hagenimana Fidèle.

Abatoza

Bagirishya Anaclet, Ntabanganyimana Antoine, Mudaharishema Sylvestre, Byiringiro Jean Pierre Cyrille, Mugwiza Philipe (Umuganga).

Abandi bari muri iri tsinda

Twahirwa Alfred (Umuyobozi wa Deligasiyo), Tuyisenge Pascal (ushinzwe Imibare y’ikipe), Niyokwizera Joël (Team Manager), Imanishimwe Samuel (ushinzwe Itangazamakuru), Sendegeya Jules (Umufotozi) na Canisius Kagabo (Umunyamakuru).

Mbere yo gutangira iyi mikino u Rwanda ruzakina imikino ibiri ya gicuti na Maroc na Congo Brazzaville.

Ni ku nshuro ya mbere u Rwanda rugiye kwitabira Igikombe cy’Afurika cya Handball, kuri ubu ruri mu itsinda rimwe hamwe na Cape Verde, Repubulika Iharanira Demokarasi ya Congo na Zambia.

  • SHEMA IVAN
  • Mutarama 9, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE