Guy Bukasa, ukomoka muri Repubulika Iharanira Demokarasi ya Congo, yagizwe Umutoza Mukuru w’ikipe ya AS Kigali asimbuye André Cassa Mbungo weguye mu kwezi k’Ugushyingo uyu mwaka kubera ibibazo by’amikoro.
Ibi byemejwe n’ubuyobozi bwa As Kigali kuri uyu wa Kane tariki 28 Ukuboza 2023 binyuze ku mbugankoranyabaga y’iyo kipe.
Uyu mutoza yahise asinya amasezerano y’umwaka umwe muri ikipe y’Umujyi wa Kigali.
Guy Bukasa si mushya muri Shampiyona y’u Rwanda dore ko yatoje Gasogi United kuva mu mwaka wa 2019 kugeza mu 2020 n’anatoza Rayon Sports umwaka umwe kuva 2020 kugeza 2021.
AS Kigali yasoje imikino ibanza ya Shampiyona iri ku mwanya wa 14 n’amanota 15.
Guy Bukasa azatangira imirimo ye muri As Kigali yakirwa na Bugesera FC tariki 13 Mutarama 2024, ubwo hazaba hasubukurwa imikino yo kwishyura muri shampiyona y’icyiciro cya mbere mu bagabo.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE