Guverineri Rubingisa yasabye abayobozi guhindura imibereho y’abaturage

  • NSHIMIYIMANA FAUSTIN
  • Mutarama 28, 2024
  • Hashize ibyumweru 4
Image

Guverineri w’Intara y’Iburasirazuba Rubingisa Pudence, yasabye abayobozi bo muri iyo Ntara gufata ingamba zifasha mu kwihutisha iterambere no guhindura imibereho y’abaturage.

Yabigarutseho kuri iki Cyumweru, ubwo Ubuyobozi bw’Intara n’Uturere n’abandi bafatanyabikorwa batandukanye basoje umwiherero w’iminsi ibiri watangiye kuva ku itariki ya 27-28 Mutarama 2024.

Ni umwiherero ugamije gusuzuma ishyirwa mu bikorwa ry’ibikorwa na gahunda zitandukanye zigamije kwihutisha iterambere no guhindura imibereho y’abaturage no gufata ingamba ku hakigaragara icyuho.

Uyu mwiherero waberaga mu Karere ka Bugesera uhuje Ubuyobozi bw’Intara, Abagize Komite Nyobozi z’Uturere, na ba Perezida b’Inama Njyanama z’Uturere.

Abateraniye muri uyu mwiherero kandi barebeye hamwe ishyirwa mu bikorwa ry’imihigo 2023/24 n’ingamba zo kwihutisha ishyirwa mu bikorwa ryayo

Barebeye hamwe nanone aho ishyirwa mu bikorwa ry’ingengo y’imari rigeze, ubukangurambaga mu baturage ndetse na gahunda z’ibikorwa biteganyijwe gukorwa mu bihe biri imbere.

Asoza uyu mwiherero, Guverineri Rubingisa yavuze ko wabaye umwanya wo kongera kwisuzuma no gusuzuma umusanzu wabo mu iterambere ry’Igihugu.

  • NSHIMIYIMANA FAUSTIN
  • Mutarama 28, 2024
  • Hashize ibyumweru 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE