Uwahoze ari Minisitiri w’Ubutegetsi bw’Igihugu cya Guatemala David Napoleon Barrientos yatawe muri yombi azira kutubahiriza inshingano ze nyuma yo kwanga guhagarika imyigaragambyo mu mwaka ushize, ngo ahamagarire abayobozi kubahiriza ibyavuye mu matora y’Umukuru w’Igihugu.
Napoleon Barrientos, umusirikare mukuru washyizwe mu kiruhuko cy’izabukuru, yari Minisitiri w’Ubutegetsi bw’Igihugu kuva muri Mutarama 2022 kugeza igihe yeguye mu Kwakira umwaka ushize.
U.S News yatangaje ko ejo ku wa Kane ubushinjacyaha bwagize buti: “Ifatwa rya David Napoleon Barrientos Giron ryabaye ku byaha akurikiranyweho byo kutubahiriza inshingano no kutumvira”
Barrientos agisohoka mu rukiko yabwiye abanyamakuru bari hanze ko yumva atuje kandi yemera ko hari impamvu ikomeye yatumye atabwa muri yombi.
Barrientos, nyuma yo kwegura mu mpera z’umwaka ushize, mu kiganiro yagiranye na radiyo ya Guatemala yavuze ko inzego za Leta zihari ngo zirinde kandi zihe agaciro ubuzima bwa muntu”.
Ifatwa rya Barrientos ryamaganywe n’Amerika, aho umukozi wa Minisiteri y’Ububanyi n’Amahanga ya Leta, Brain Nichols, yanditse ku mbuga nkoranyambaga agaragaza ko ashyigikiye uwahoze ari Minisitiri w’Ubutegetsi bw’Igihugu kuko yarimo kurengera uburenganzira bw’abigaragambya mu mutuzo.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE