Gaza: Ibitaro bya Khan Younes byibasiwe n’imirwano

  • NYIRANEZA JUDITH
  • Mutarama 22, 2024
  • Hashize ibyumweru 4
Image

Kuri uyu wa Mbere tariki 22 Mutarama 2024, ingabo za Isiraheli, zinjiye mu burengerazuba bwa Khan Younès mu mirwano ikaze, yamennye amaraso.

Izo ngabo zateye ibitaro zibuza abakomeretse kwivuza. Ni mu gihe imiryango yafashwe bugwate muri Isiraheli isaba Leta ya Netanyahu kwemera amasezerano hamwe na Hamas kugira ngo borohereze irekurwa ryabo.

Umuyobozi wa diplomasi mu Muryango w’Ubumwe bw’Ibihugu by’i Burayi, Josep Borrell, avuga ko ibintu by’ubutabazi mu karere ka Gaza bidashobora kuba bibi.

Borrell yagize ati: “Ibintu by’ubutabazi mu karere ka Gaza ntibishobora kuba bibi. Kuva ubu, sinzongera kuvuga ku nzira y’amahoro, ariko ndashaka inzira y’ibihugu byombi, ibibazo byakemuka.”

Isiraheli ikomeje kugaba ibitero bikaze mu majyepfo y’akarere ka Gaza. Ku wa mbere, ingabo za Isiraheli, zinjiye mu burengerazuba bwa Khan Younès, bateye ibitaro bimwe maze bagota ibindi.

Abisiraheli kandi bakomeje ibikorwa by’intambara mu gace ka Cisjordanie yigaruriye kandi ibintu ntibyifashe neza ku mupaka na Libani.

Ku cyumweru, Minisitiri w’Intebe wa Isiraheli, Benyamin Netanyahu, yongeye gushimangira ko arwanya byimazeyo ubusugire bwa Palesitine i Gaza.

Mu gihe Umuryango w’Ubumwe bw’Ibihugu by’i Burayi wohereje ibimenyetso bivuguruzanya bijyanye n’ibibera mu Burasirazuba bwo Hagati, mu kwemerera Hamas no gutangiza ibirego kuri Isiraheli, kuri uyu wa Mbere i Buruseli habereye inama y’Abaminisitiri b’Ububanyi n’Amahanga bo mu Burayi na bagenzi babo batandatu bo mu karere.

Raporo yatangajwe kuri uyu wa Mbere, tariki ya 22 Mutarama na Minisiteri y’ubuzima ya Hamas kandi igaragaza ko abantu 25.295 biciwe muri Gaza kuva intambara yatangira ku ya 7 Ukwakira 2023. Abenshi mu bapfuye ni abagore, ingimbi n’abana. Hari abakomeretse barenga 63.000.

  • NYIRANEZA JUDITH
  • Mutarama 22, 2024
  • Hashize ibyumweru 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE