Gaza: Doha iranenga Umuryango Mpuzamahanga kurebera

  • NYIRANEZA JUDITH
  • Ukuboza 5, 2023
  • Hashize amezi 6
Image

Nyuma y’ibyumweru by’imirwano ikaze muri Gaza, aho ingabo za Isiraheli zikajije ibitero mu majyepfo yaho, Doha iranenga kuba Umuryango Mpuzamahanga ukomeje kurebera ndetse Ishami ry’Umuryango w’Abibumbye ryita ku Buzima OMS ryo ritangaza ko ibintu bigenda birushaho kuba bibi.

Qatar nk’umuhuza hagati ya Palesitina na Isiraheli irasaba Akanama gashinzwe umutekano ku Isi guhatira Isiraheli kongera kugira imishyikirano ku ntambara irimo ibera muri Gaza, nk’uko Emir Sheikh Tamim bin Hamad al-Thani wa Qatar yabitangaje mu nama yo ku wa kabiri w’inama y’ubutwererane i Doha.

Ati: “Biteye isoni kubona Umuryango Mpuzamahanga urebera icyaha kibi gikomeje mu gihe cy’amezi hafi abiri, aho hakomeje kubaho ubwicanyi butunguranye kandi bukorerwa nkana abaturage b’inzirakarengane, barimo abagore n’abana”.

Dennis Francis, Perezida w’Inteko rusange y’Umuryango w’Abibumbye, yongeye gusaba ko bahagarika imirwano, avuga ko “afite ubwoba bwinshi kandi ababajwe n’uko intambara yongeye gutangira”.

Kuri uyu wa kabiri, Umuyobozi w’Ishami ry’Umuryango w’Abibumbye ryita ku Buzima OMS muri Gaza yavuze ko ibintu byifashe nabi uko amasaha yicuma, ibisasu bya Isiraheli byakomeje kurushaho kwiyongera mu majyepfo mu bice bikikije imijyi ya Khan Younes na Rafah.

Ibibera muri Gaza birahangayikishije

Uhagarariye OMS mu karere ka Palesitine yigaruriwe, Richard Peeperkorn yagize ati: “Ibintu bigenda birushaho kuba bibi isaha ku yindi.” Ati: “Ibisasu byakajije umurego hirya no hino, harimo no mu majyepfo, muri Khan Younes ndetse no muri Rafah. »

Imiryango itegamiye kuri Leta itabara imbabare nayo yihebye kubera ikibazo kibera mu gace ka Gaza.

Umuvugizi wa Guverinoma yavuze ko Isiraheli yiteze imirwano ikaze mu cyiciro gishya cy’intambara na Gaza ariko ikaba yiteguye “gutanga ibitekerezo byubaka” ku bijyanye no kugabanya akaga ku basivili mu gihe inama zaba zihuye n’intego zayo zo gusenya Hamas.

Ati: “Ubu turi mu cyiciro cya kabiri. Icyiciro cya kabiri kizagorana ku rwego rwa gisirikare” nk’uko byatangajwe n’umuvugizi Eylon Levy mu kiganiro n’abanyamakuru.

Igice kinini cy’Isi, cyane cyane ibihugu byo mu Majyaruguru, kubera ikibazo kibera mu karere ka Gaza, bashinja Greta Thunberg n’abandi ko muri uku kwezi k’Ukuboza ku ya 5 Ukuboza mu makuru yatangajwe mu kinyamakuru Guardian cyiswe ‘Ntabwo tuzahwema kuvuga ku mibabaro ibera muri Gaza  ngo nta butabera butita ku burenganzira bwa muntu.

Ati: “Guharanira ubutabera ahanini biva mu gitekerezo cyo kwita ku bantu n’uburenganzira bwa muntu”.

Saa cyenda za mugitondo: Vladimir Putin azasura Leta zunze ubumwe z’Abarabu na Arabiya Sawudite ejo, ku wa gatatu

Umuvugizi wa Perezida w’u Burusiya Dmitry Peskov, yatangaje ko ku ya 6 Ukuboza, Perezida Vladimir Putin azerekeza muri Leta zunze ubumwe z’Abarabu na Arabiya Sawudite, uruzinduko rwibanze cyane cyane ku ntambara ya Isiraheli na Palesitine na peteroli nk’uko byatangajwe na Kreml.

Ati: “Uruzinduko rw’akazi rwa Perezida Putin muri Leta zunze ubumwe z’Abarabu na Arabiya Sawudite ruzaba ejo. Ibi byose bizaba ku munsi umwe.”

Inkambi y’impunzi ya Jabalya yagoswe

Inkambi y’impunzi ya Jabalya mu majyaruguru ya Gaza yagoswe nk’uko bitangazwa n’igisirikare cya Isiraheli mu majyaruguru y’akarere ka Gaza, kandi ko barimo gusaka ku cyicaro gikuru cy’umutekano cya Hamas. Nk’uko umuvugizi w’ingabo abitangaza ngo ibikorwa remezo by’iterabwoba n’ibirindiro bya Hamas byarasenyutse.

Isiraheli ivuga ko ishaka “kurimbura” Hamas. Muri icyo gihe, guverinoma ya Isiraheli iratekereza igihe kirekire cyo gushyiraho akarere gashinzwe umutekano muri Gaza nyuma y’intambara.

Mu ijoro kuva ku wa Mbere kugeza ku wa Kabiri, abatangabuhamya babwiye Ibiro Ntaramakuru by’Abafaransa AFP ko habaye imirwano ikaze hafi ya Khan Younes, ndetse n’igitero cy’indege cyerekeje i Rafah, mu majyepfo y’akarere. Umubare w’abakomeretse ukomeje kwiyongera mu bitaro, harimo n’abana benshi. Umubare w’abari kwa muganga ukomeje kwiyongera uko Isiraheli ikomeje kugaba ibitero muri9 Gaza.

Mu gitondo cy’uyu wa Kabiri kandi abasirikare batatu ba Isiraheli biciwe mu karere ka Gaza

Umuvugizi w’ingabo za Isiraheli, Daniel Hagari, yatangaje kuri X mu rukerera rwo ku wa kabiri urupfu rw’abasirikare batatu biciwe mu mirwano yabereye mu karere ka Gaza. Umwe yari umusirikare w’umu Ofisiye n’abasirikare babiri, bafite hagati y’imyaka 20 na 23.

Nk’uko ingabo zibitangaza, urwo rufu rwatumye umubare w’abasirikare ba Isiraheli bishwe ugera kuri 78 kuva hatangira intambara yo ku butaka, abandi basirikare bane bakomeretse.

  • NYIRANEZA JUDITH
  • Ukuboza 5, 2023
  • Hashize amezi 6
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE