FERWAFA yasubitse imwe mu mukino ya Shampiyona kubera igikombe cy’Intwari 

  • SHEMA IVAN
  • Mutarama 25, 2024
  • Hashize amezi 4
Image

Ishyirahamwe ry’Umupira w’Amaguru mu Rwanda (FERWAFA) ryasubitse imwe mu mikino y’umunsi wa 18 wa shampiyona ku makipe 4 ya mbere ku rutonde rwa Shampiyona mu mikino ibanza, kubera ko bagiye kwitabira imikino y’igikombe cy’Intwari.

Mu itangazo iri shyirahamwe ryandikiye amakipe 8 yari kuzakina umunsi wa 18 ku wa Gatatu tariki 24 Mutarama 2024, ko iyi mikino ibaye isubitswe bakazamenyeshwa igihe bazayikinira vuba.

Iyo mikino yasubitswe ni uwari kuzahuza Amagaju FC na Rayon Sports, Mukura VS na Police FC, Sunrise FC na Musanze ndetse n’uwa APR FC na Etoile de l’Est.

Amakipe azitabira igikombe cy’Intwari uyu mwaka ni APR FC, Rayon Sports, Musanze FC na Police FC.

Igikombe cy’Intwari cyaherukaga gukinwa mu mwaka wa 2020, icyo gihe igikombe cyegukanywe na APR FC ifite amanota arindwi nyuma yo kuganya na Kiyovu Sports ubusa ku busa ku mukino wa nyuma.

APR FC niyo yegukanye igikombe cy’Intwari giheruka muri 2020

Uko amakipe azahura mu bagabo muri 1/2 tariki ya 28 Mutarama 2024

APR FC izakina Musanze FC saa cyenda kuri Kigali Pele Stadium 

Rayon sports izakina na Police FC saa kumi n’ebyiri kuri Kigali Pele Stadium 

Umukino wa nyuma uzakinwa tariki 1 Gashyantare 2024, saa kumi n’ebyiri kuri Kigali Pele Stadium, mbere yaho hazaba umukino wa nyuma mu bagore uzahuza Rayon Sports WFC na AS Kigali WFC saa cyenda zamanywa.

Insanganyamatsiko y’Umunsi w’Intwari 2024 iragira iti “Ubutwari mu Banyarwanda, Agaciro Kacu”.

  • SHEMA IVAN
  • Mutarama 25, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE