Daddy Cassanova yiyambaje RIB kubera uwamwamamaje mu gitaramo batabivuganye

Daddy Cassanova yiyambaje RIB kubera uwamwamamaje mu gitaramo batabivuganye

Umuhanzi Manzi Kalisi Daddy wamamaye nka Daddy Cassanova yitabaje Urwego rw’Igihugu rw’Ubugenzacyaha (RIB), asaba ubufasha ku kibazo cy’uwakoresheje izina rye mu kwamamaza igitaramo batarabiganiriyeho.

Uwo muhanzi yagaragaje ikibazo cye kuri uyu wa Mbere tariki 26 Ukwakira 2026, abinyujije ku mbuga nkoranyambaga, aho yasabye RIB kumugira inama ku nzira yakurikiza kugira ngo ikibazo cy’ikoreshwa ry’izina rye mu kwamamaza igitaramo gikemuke.

Mu butumwa yandikiye uru rwego, Daddy Cassanova yavuze ko hari umuntu ukora akazi ko kuvanga umuziki (umu-DJ) ukorera mu Rwanda uri gukoresha izina rye mu kwamamaza igitaramo atamuhaye uburenganzira.

Yagize ati: “Muraho, nitwa Manzi Kalisi Daddy, mu mwuga w’umuziki nkaba nzwi nka Cassa cyangwa Daddy Cassanova. Ndi umuhanzi nyarwanda ufite ubwenegihugu bw’u Rwanda na Canada. Ndifuza kubagezaho ikibazo cy’umu-DJ ukorera mu Rwanda uri gukoresha izina ryanjye mu kwamamaza igitaramo ntamuhaye uburenganzira. Ni izihe nzira nakurikiza kugira ngo iki kibazo gikemuke?”

RIB yamusubije imubaza niba yari yamaze gutanga ikirego. Daddy Cassanova asubiza avuga ko itsinda rimuhagarariye ryamaze kohereza ubutumwa kuri E-mail ya RIB burimo ibimenyetso bifitanye isano n’iki kibazo.

Iki kibazo cyavutse nyuma y’uko uyu muhanzi atangaje ko atazitabira igitaramo yari yatumiwemo, giteganyijwe kubera i Kigali, muri ‘Atelier du Vin’ ku wa 30 Ukwakira 2026.

Iki gitaramo cyateguwe na ‘All Events Kigali’, kikaba cyaratumiwemo abandi bahanzi n’abavanga imiziki barimo Logan Joe, Shemi, Kevin Klein, DJ Tyga na Joxy Parker.

Daddy Casanova yitabaje RIB ku kibazo cy’uwamwamamaje mu gitaramo atamubajije
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19
  2. Kayonza: Abajyanama b’Akarere batowe biyemeje guhangana n’ibidindiza iterambere ry’imiryango 21 Ugushyingo 2026 Saa 22:03
  3. Rayon Sports yanganyije na APR FC 21 Ugushyingo 2026 Saa 21:25
  4. Musanze: Bifashishije ibimene by’amacupa bakora amakaro biteza imbere 21 Ugushyingo 2026 Saa 18:26
  5. Abiga mu Ishuri Rikuru rya Gisirikare basuye Akarere ka Nyagatare 21 Ugushyingo 2026 Saa 18:15