COVID-19: U Bushinwa bwashyize abaturage miliyoni 9 muri guma mu rugo

U Bushinwa bwashyize Umujyi wa Changchun muri gahunda ya guma mu rugo miliyoni 9, nyuma y’amasaha 24 ashize, ahagaragaye abantu 1.369 banduye Covid-19.Changchun utuwe n’abantu miliyoni 9 muri gahunda ya guma mu rugoU Bushinwa bwashyize Umujyi wa Changchun muri gahunda ya guma mu rugo miliyoni 9, nyuma y’amasaha 24 ashize, ahagaragaye abantu 1.369 banduye Covid-19.

Kuri uyu wa Gatanu, abaturage babarirwa muri miliyoni icyenda batuye mu mujyi wa Changchun (mu majyaruguru y’uburasirazuba) mu Bushinwa, basabwe kuguma mu rugo, mu gihe u Bushinwa bwahuye n’ikibazo gikomeye cyo kwibasirwa na Covid-19 mu myaka ibiri ishize.

Nk’uko byatangajwe na Radiyo mpuzamahanga y’u Bufaransa, Ubuyobozi bw’umujyi bwemeje ko umuntu umwe mu rugo ari we wemerewe gusohoka rimwe mu minsi ibiri.

Guma mu rugo ni yo yatangajwe cyane mu Bushinwa guhera mu mujyi wa Xi’an uherereye mu majyaruguru, n’abaturage baho miliyoni 13 mu mpera z’umwaka ushize.

 U Bushinwa ni igihugu virusi yamenyekanyemo bwa mbere mu mpera za 2019, bikaba byaratumye mu mpeshyi ya 2020 hafatwa ingamba zikomeye zo kuyikumira, hashyirwaho guma mu rugo mu mijyi yose.

Abayobozi b’u Bushinwa bavuga ko abantu barenga 100.000 mu myaka ibiri ari bo bagaragayeho icyorezo cya Covid-19.

Icyo gihugu kinini cyo ku mugabane w’Aziya, cyashoboye gukumira cyane iki cyorezo, aho abarenga 100,000 banduye, muri bo 4,636 nakaba ari bo bamaze guhitanwa na Covid-19 mu gihe cy’imyaka ibiri.