Perezida wa Uganda, Yoweri Kaguta Museveni, yemereye abakinnyi b’Ikipe y’Igihugu ya Uganda 1.2 billion [asanga miliyoni 485 Frw], kuri buri mukino batsinda mu irushanwa CHAN 2024.
Ibi batangajwe na Perezida w’Inteko Ishinga Amategeko ya Uganda, Anita Annet Among, kuri uyu wa Mbere tariki ya 4 Kanama 2025, mbere y’uko bakina Shampiyona Nyafurika ihuza abakina imbere mu bihugu byabo (CHAN 2024).
Ati: “Perezida yoweri Kaguta Museveni yemereye abakinnyi n’abagize ikipe y’igihugu amafaranga angana na 1.2 billion kuri buri mukino bazatsinda muri CHAN.”
Uganda ni kimwe mu bihugu byakiriye iri rushanwa kuko yafatanyije na Kenya ndetse na Tanzania.
Umukino wayo wa mbere uteganyijwe kuri uyu wa Mbere, tariki ya 4 Kanama. Urayihuza na Algeria kuri Namboole Stadium.
Umukino wa mbere wa CHAN 2024 wabaye ku wa Gatandatu, aho Tanzania yatsinze Burkina Faso ibitego 2-0.
Indi mikino yabaye ku Cyumeru, Kenya yatsinze Repubulika Iharanira Demokarasi ya Congo (RDC) igitego 1-0, Morocco yatsinze Angola ibitego 2-0 mu gihe Madagascar yanganyije na Mauritania 0-0.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE