Canada: Indirimbo ya Rehema wakumva muri Week end

  • Imvaho Nshya
  • Ugushyingo 4, 2023
  • Hashize amezi 7
Image

Antoinette Rehema uzwi ku izina rya Lucky wamenyekanye cyane mu ndirimbo ‘Ushyizwe hejuru’ yaririmbanye na Gaby Kamanzi, yashyize hanze indirimbo ‘Kuboroga’.

Rehema ni umuramyi utuye muri Canada, avuga ko amaze gukora imizingo (Album) Ine, umuzingo wa Gatanu ukaba ari wo uzitirirwa indirimbo Kuboroga yashyize hanze.

Ati “Indirimbo Kuboroga isohotse ibimburiye indirimbo ziri mu muzingo wa Gatanu. Iyo nakoranye na Gaby iba ku muzingo wa Kane”.

Avuga ko hari izindi ndirimbo ahishiye abakunzi be zizaza vuba.

Mu kiganiro yahaye itangazamakuru, yahishuye ko yari amaze imyaka isaga Itatu adakora indirimbo.

Yagize ati “Iyi ni indirimbo ikozwe mu buryo butangaje kuko nari maze igihe kingana n’imyaka irenga itatu nta ndirimbo nkora kubera impamvu zitandukanye”.

Ahamya ko ubutumwa buri mu ndirimbo Kuboroga yabuhawe cyera.    

Nyuma yo gukora impanuka mu myaka Itatu ishize ngo nibwo yanditse iyi ndirimbo.

Ati “Muri icyo gihe cya njyenyine niho Mwuka Wera yarushijeho kumpa aya magambo aboneka muri Yeremiya 9: 13-19.

Maze koroherwa nagiranye ubusabane byuzuye n’Imana ariko ngira urugendo, aho nerekeje mpahurira n’izindi ngorane aho nahamirijwe ko ngomba gutanga ubu butumwa noneho mpita nkora iyi ndirimbo nahaye izina Kuboroga”.

Ahishurira abakirisitu ko umwanzi yanyaze byinshi mu Itorero ry’Imana bityo akabahamagarira gufatanya na we gusana urufatiro rw’abera.

Agira ati “Nkuko Ijambo ryavuze, mpamagaye abagore b’abahanga, abagore bazi Kuboroga baze dufatanye kuborogera Itorero ry’Imana”.

Asaba buri wese ufitiye umutwaro umurimo w’Imana kumufasha kuborogera itorero.

Rehema asaba abantu gufatanya na we kuborogera itorero ry’Imana

KAYITARE JEAN PAUL

  • Imvaho Nshya
  • Ugushyingo 4, 2023
  • Hashize amezi 7
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE