Cameroon: Paul Biya wagiye ku butegetsi mu 1982 yongeye gutsinda amatora

Paul Biya w’imyaka 92, umaze imyaka 43 ku butegetsi yongeye gutsindira kuyobora Cameroon nyuma yuko Akanama gashinzwe kurengera Itegeko Nshinga, kemeje ko yatsinze abo bari bahanganye n’amajwi 53,66%.

Ako kanama kuri uyu wa 27 Ukwakira kemeje bidasubirwaho intsinzi ya Biya aho yakurikiwe na Issa Tchiroma Bakary, bari bahanganye n’amajwi 35.19%.

Akanama gashinzwe kurengera Itegeko Nshinga katangaje ko abangana na 57.76% ari bo bitabiriye amatora mu gihe 42.24% batitabiriye.

Issa Tchiroma Bakary utavuga rumwe n’ubutegetsi bwa Biya yari yabanje gutangaza ko ari we watsinze amatora n’amajwi 55% kandi ko Biya agomba kwemera gutsindwa akarekura ubutegetsi mu mahoro.

Perezida Paul Biya akaba agiye kuyobora iki gihugu muri manda y’imyaka irindwi aho izarangira yujuje imyaka 99.