APR FC yo mu Rwanda yatomboye Azam FC muri Tanzania mu ijonjora rya mbere ry’imikino ya CAF Champions League.
Tombola y’uburyo amakipe azahura muri iri rushanwa rihuza amakipe ya mbere muri Afurika yabereye i Cairo mu Misiri kuri uyu Kane tariki 11 Nyakanga 2024.
APR FC, yegukanye Shampiyona y’u Rwanda ya 2023/2024, yatomboye Azam FC yabaye iya kabiri muri shampiyona yo muri Tanzania.
APR FC ni yo izatangira yakirwa na Azam FC mu mukinouteganyijwe hagati y’itariki 16 na 18 Kanama, mu gihe uwo kwishyura uzakinwa hagati y’itariki 23 na 25 Kanama 2024.
Mu nzira igana mu matsinda, Ikipe izakomeza hagati ya APR FC na Azam, izahura n’izava hagati ya Pyramids yo mu Misiri na JKU yo muri Zanzibar mu ijonjora rya kabiri.
Ikipe ya Al Ahly yo mu Misiri ni yo ifite Igikombe cya CAF Champions League giheruka, yegukanye itsinze Esperance de Tunis yo muri Tunisia.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE