Abahanzi bari mu bakunzwe mu muziki nyarwanda Bwiza, Chriss Eazy na Mc Brian bazatarama mu birori bizasoza Shampiyona Mpuzamahanga y’Isi y’Amagare (UCI 2025)
Mu gihe habura amasaha kugira ngo UCI isozwe hanatangwa ibihembo hateguwe igitaramo kizaherekeza iryo siganwa ari nabyo abo bahanzi bazataramamo.
Ku nteguza y’ibyo birori, Bwiza yasangije abakunzi be kuri konti ye ya Instagram yasabye abantu bazitabira isiganwa rya nyuma kutazahita bataha.
Yanditse ati: “Mureke dusoze UCI mu buryo bwiza, nyuma y’isiganwa rya nyuma n’itangwa ry’ibihembo ntuzihutire gutaha uzagume hafi aho utegereje ibirori byo gusoza.
Ku rubyiniro muzasusurutswa na Bwiza, Chriss Eazy hamwe na Shema Natete Brian uzwi nka Mc Brian.”
Ni ibirori bisanzwe bibera ahasanzwe hatangirwa ibihembo mu rwego rwo gufasha abantu kurushaho kunezerwa kuko kwinjira ari ubuntu.
Chriss Eazy na Bwiza bagiye guhurira ku rubyiniro mu gihe basanzwe bafitanye indirimbo zitandukanye zirimo ‘LOLO,’ ‘Cinema,’ Akana kabi n’izindi.
Shampiyona y’Isi y’Amagare (UCI) imaze icyumweru iba aho yaberaga i Kigali, yatangiye tariki 21 ikaba izasozwa ejo ku wa 28 Nzeri 2025 ari nabwo ibirori byo kuyisoza bizaba.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE