Ku nshuro ya mbere, u Rwanda rugiye guhararirwa mu mikino Nyafurika njyarugamba ya Mixed Martial Arts, izabera i Abidjan muri Côte d’Ivoire guhera kuri uyu 12 kugeza ku ya 16 Ukwakira 2026.
Aya marushanwa Nyafurika yateguwe n’Ishyirahamwe Mpuzamahanga ry’Imikino Njyarugamba (GAMMA International) ifatanyije n’Ishyirahamwe ry’Imikino Njyarugamba ryo muri Côte d’Ivoire.
Muri iyi mikino, ikipe y’u Rwanda igizwe n’abakinnyi barimo Ntakirutimana Jonathan, Niyigena Amani, Binego Djibril n’Umutaliyani Lorenzo wahisemo gukina nk’umukinnyi wavuye mu Rwanda.
Muri aya marushanwa hazabanza gukina ibyiciro by’abato mu gihe abakuru barimo n’abahagarariye u Rwanda bazakina tariki ya 14 n’iya 15 Ukwakira 2026.
Mu Ukwakira 2025, ni bwo Global Association of Mixed Martial Arts Rwanda (GAMMA Rwanda), yatangije umukino njyarugamba ya ‘Mixed Martial Arts’ ndetse hatangira gushakwa abakinnyi mu byiciro bitandukanye baserukira u Rwanda mu marushanwa mpuzamahanga.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE