Bukeyeneza ukekwaho kunyereza 29,839,878 FBU yasubijwe u Burundi

  • Imvaho Nshya
  • Ugushyingo 3, 2023
  • Hashize amezi 7
Image

Kuri uyu wa Gatanu tariki 03 Ugushyingo 2023, u Rwanda rwashyikirije u Burundi uwitwa Jolis Bukeyeneza wafatiwe mu Rwanda, akekwaho icyaha cyo kunyereza amafaranga akoreshwa i Burundi angana na 29,839,878 FBU muri Banki ikorera mu Burundi.

Igikorwa cyo guhererekanya umufungwa ufite ubwenegihugu bw’u Burundi cyabereye ku mupaka wa Nemba uhuza u Rwanda n’uBurundi mu Karere ka Bugesera mu Ntara y’Iburasirazuba.

Muri iki gikorwa, Igihugu cy’u Rwanda cyari gihagarariwe n’Umuyobozi mukuru wa Interpol mu Rwanda (NCB Kigali) Antoine Ngarambe.

Ni mu gihe igihugu cy’u Burundi cyari gihagarariwe na Col. Police Frederic-Audney Minani, Umuyobozi wungirije muri INTERPOL/NCB Bujumbura.

Urwego rw’Ubugenzacyaha mu Rwanda (RIB), rubinyujije ku rubuga rwa X, rwatangaje ko iri hererekanya ryakozwe hashingiwe ku mubano mwiza uri hagati y’ibihugu byombi no mu rwego rwo kurwanya ibyaha by’umwihariko ibyambukiranya imipaka.

Amafoto RIB

KAYITARE JEAN PAUL

  • Imvaho Nshya
  • Ugushyingo 3, 2023
  • Hashize amezi 7
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE